المساعد الشخصي الرقمي

مشاهدة النسخة كاملة : تجمع كروشات بنت السودان


الصفحات : [1] 2 3

تنبوشة
02-16-2012, 05:44 AM
http://t0.gstatic.com/images?q=tbn:ANd9GcT0Wn-qT-3KEQgvn7iuRmumFmWtGjnzWvOCGlAk9XIrM44tHfKgy9-RUg


ربنا يحلكم بالسلامه
ويديكم الخلقه التامه والحلل الساهل

فتحت التجمع ده عشان نجي نتونس ونوسع صدورنا مع بعض
ونشوف العقبات البتواجهنا ونحاول نساعد بعض عشان نتفاداها ونتخطاها

ونشوف اخر الصيحات في التجهيزات و هذه القصص التى لا تخلص
هههههههههه

واكيد ما بنستغنى عن الحروم السبقونا
والخبره سمحه بالحيل

وبسم الله بندا


:gf:

تنبوشة
02-16-2012, 05:48 AM
آيات للمرأة الحامل لتسهيـل عمليـة الولادة



اذا تعسرت ولادة المرأة فتقرأ هذه الآيات في ماء ثم تشربه المرأة وتمسح منه على بطنها فإنها تضع بسهولة – بإذن الله – وقد جُرب ذلك فنفع الله بها :


بسم الله الرحمــن الرحيـم ، إذا السـماء انشقّــت ، وأذنت لربها وحقّــت ، وإذا الأرض مدّت ، وألقــت مافيها وتخلّــت ، وأذنت لربها وحقّـــت ( سورة الإنشقاق ) ) وتشرب منه الحامل ويرش على بطنها.



إن ربــكم الله الذي خلـق السماوات والأرض في ستة أيام ثم استوى على العرش يغشي الليل النهار ، يطلبه حثيــثا والشمس والقمر والنجوم مسخرات بأمره ألا له الخلق والأمر تبارك الله رب العالميـن


ان ربكم الله الذي خلق السموات والأرض في ستة أيام ثم استوى على العرش يدبر الأمر مامن شفيـع إلا من بعد إذنـه ذالكم الله ربكم فاعبدوه أفلا تذكرون ( سورة يونس)


الله لا إله إلا هو الحي القيوم ، لا تأخذه سنة ولا نوم ، له مافي السموات وما في الأرض ، من ذا الذي يشفع عنده إلا بإذنه ، يعلم ما بين أيديهم وما خلفهم، ولا يحيطون بشيء من علمه إلا بما شاء ، وسع كرسيّـه السموات والأرض ولا يؤوده حفـظهما وهو العلي العظيـم ( آية الكرسي )



( اللهُ يعلمُ ما تحملُ كُل أُنثى وما تغيضُ الأرحامُ وما تزدادُ وكُلُّ شيءٍ عندهُ بِمقدارٍ ) { الرعد : 8 }


( والله خلقكم من تراب ثم من نطفة ثم جعلكم أزواجاً وما تحملُ من أنثى ولا تضع إلا بعلمه وما يعمر من معمرٍ ولا ينقضُ من عُمُره إلا في كِتابٍ إن ذلك على الله يسير ) { فاطر : 11 }


( والله أخرجكم من بطون أُمهاتكم لا تعلمون شيئاً وجعل لكُمُ السمع والأبصار والأفئدة لعلكم تشكرون ) { النحل : 87 }


سورة الزلزلة .


فتوى الشيخ محمد العثيمين : بسم الله الرحمن الرحيم هذه الآيات الكريمة جربت للقراءة للحامل التي تعسرت ولادتها ففرج الله بها ... إما تقرأها على الحامل أمراة أو يقرأ في ماء ثم تشربه الحامل ويمسح منه على بطنها فإنها تضع بسهولة – بإذن الله – وقد جُرب ذلك فنفع الله بها .. قاله و الله اعلم
*سـورة الزلزله كامله:
إِذَا زُلْزِلَتِ الْأَرْضُ زِلْزَالَهَا 1 وَأَخْرَجَتِ الْأَرْضُ أَثْقَالَهَا 2 وَقَالَ الْإِنسَانُ مَا لَهَا 3 يَوْمَئِذٍ تُحَدِّثُ أَخْبَارَهَا 4 بِأَنَّ رَبَّكَ أَوْحَى لَهَا 5 يَوْمَئِذٍ يَصْدُرُ النَّاسُ أَشْتَاتًا لِّيُرَوْا أَعْمَالَهُمْ 6 فَمَن يَعْمَلْ مِثْقَالَ ذَرَّةٍ خَيْرًا يَرَهُ 7 وَمَن يَعْمَلْ مِثْقَالَ ذَرَّةٍ شَرًّا يَرَهُ 8 "


بسم الله لا إله إلا الله الحليم الكريم، سبحان الله رب العرش العظيم الحمد الله رب العالمين.. (كأنهم يوم يرونها لم يلبثوا إلا عشية أو ضحاها) ا لنازعات 46


(كأنهم يوم يرون ما يوعدو ن لم يلبثوا إلا ساعة من نهار بلاغ فهل يهلك إلا القوم الفاسقون)
الأحقاف 35


- من الأوراد : سورة الفاتحة سبع مرات وآية الكرسي وسور الإخلاص والفلق والناس كل منها ثلاث مرات وسورة مريـم كامــلة


- والخمس آيات الأولى من سوره البقره وأواخرها من (آمن الرسول...(


لوشربت المرأة عند بدء الطلق فنجان عسل مقروءا فيه الآيات السابقة فإنها ستلد بيسر وسهولة http://files2.fatakat.com/2011/3/12999493101942.gif

تنبوشة
02-16-2012, 05:50 AM
التمر والولادة


:قال الله تعالى { فأجاءها المخاض إلى جذع النخلة قالت ياليتني مت قبل هذا وكنت نسيا منسيا . فناداها من تحتها ألاتحزني قد جعل ربك تحتك سريا.وهزي إليك بجذع النخلة تساقط عليه رطبا جنيا . فكلي وأشربي وقري عينا}

هنا حكمة طبية تتعلق بإختيار ثمرة النخيل دون سواه من ناحية وتوقيته مع مخاض الولادة من ناحية أخرى:

- ثمرة النخل (الرطب) تحوي مادة قابضة للرحم تقوي عضلات الرحم فتساعد على الولادة كما تقلل كمية النزف الحاصل بعد الولادة


-الرطب يحتوي على نسبة عالية من السكر البسيطة السهلة الهضم وهي مصدر الطاقة الأساسي وهو الغذاء المفضل للعضلات وعضلة الرحم من أضخم العضلات وتقوم بعمل جبار أثناء الولادة وعلماء التوليد يقدمون للحامل وهي في حالة المخاض الماء والسكر بشكل سوائل سكرية ولقد نصت الاية على إعطاء السوائل ايضا مع السكاكر بقولة تعالى: (فكلي واشربي) وهذا إعجاز آخر.


- الرطب يخفض ضغط الدم عند الحامل لمدة بسيطة ثم يعود لطبيعته وذلك ليقلل كمية نزف الدم


-الرطب مادة لينة ومن المعلوم طبيا أن الملينات النباتية تفيد في تسهيل عملية الولادة بتنظيفها للأمعاء الغليظة.



مسهلات اخرى للولاده



- من أعظم المسهلات للولادة الحبة السوداء المغلية المحلاة بعسل


- مغلى البابونج


- منقوع الزعتر يساعد على فتح الرحم


-إذا حسيتي بآلام الولادة اغلي زهور البابونج واملأي الترمس واشربي لانه يحمي الطلق ويفتح الرحم وايضا


-الاستحمام يحمي الطلق .


- شرب ملعقتين عسل وتمر العجوة.


- لما تحسي بالطلق تتبخرين بكبو واللي هو - رشاد + حبة البركة+ قشرة بصل + مره + كمون.


- كف مريم : ( خذي مقدار كاس ونصف ماء مغلي +كف مريم ويكون مغسول +شوي قرفه اذا بغيتيها مطحونه او لا +شوي يعني اقل من القرفه مسمار البعض يسميه قرنفل +شوي كمون حب ) تغسلين الاعشاب جيدا وتضعين فوقها الماء المغلي وتترك تنقع خمس اوعشر دقايق واشربيها دافيه.
او تضعين غصن واحد كف مريم في كوب ماء دافئ لمدة ساعتين الى أن ينزل لونها وتشربين مرة الصباح ومرة المساء.


- كذلك اشربي ماء زمزم واقريء فيه القرآن وأكلي حبة سوداء مطحونة مع العسل


-المسهلات الشهيق والزفير المتعاقبين وعدم التشنج وعدم الخوف والصراخ



- المشي في الشهر الأخير مهم لأنه يساعد على ثبات رأس الجنين داخل الحوض ويساعد على نزوله ... ومن المهم ان توسعي بخطواتك عند المشي ..


شرب قليل من منقوع المره عند الطلق


عند الطلق وفي كل وقت أيام الحمل



)اللهم لا سهل إلا ما جعلته سهلا، وأنت تجعل الحزن إذا شئت سهلا )


- دبر كل صلاة : ( اللهم أسألك حسن الخلق وهون الطلق )


- يا خالق النفس من النفس يا مخلص النفس من النفس يا مخرج النفس من النفس خلصني..


- )اللهم يا مسهل الشديد ويا ملين الحديد ، ويامن هو كل يوم في أمر جديد ، أخرجني من حلق الضيق إلى أوسع الطريق ، بك ادفع ما أطيق ومالا أطيق ، وصلى الله على سيدنا محمد وعلى آله وصحبة وسلم )


- آية الكرسي والمعوذتين وسورة الإخلاص والزلزلة ويس و سوره الملك


- دعاء الكرب : ( لا إله إلا الله العظيم الحليم , لا إله إلا الله رب العرش العظيم , لا إله إلا الله رب السماوات ورب الأرض ورب العرش العظيم ).


- اللهم إني أسألك بأن لك الحمد ، لا إله إلا أنت المنان بديع السماوات و الأرض يا ذا الجلال والإكرام ، يا حي يا قيوم


- لا إله إلا الله العظيم الحليم، لا إله إلا الله رب العرش العظيم، لا إله إلا الله رب السماوات ورب العرش الكريم


- قل اللهم مالك الملك تؤتي الملك من تشاء وتنزع الملك ممن تشاء وتعز من تشاء وتذل من تشاء بيدك الخير إنك علي كل شيء قدير


- اللهم أنت فارج الهم ورافع الكرب أنت الرحمن الرحيم الذي لااله الاانت .. اللهم أنى اسالك بكل اسم هو لك سميت به نفسك أو اطلعت به أحد خلقك أو استأثرت به في علم الغيب عندك أو احتفظت به في كتابك يا حي يا قيوم .. اللهم أني اسئلك بعزك الذي لا يرام, و مالك الذي لا يضام, و بنورك الذي ملء أركان عرشك .. أن ترحم حالي وتفرج همي ..وتزيل الكرب عني.. اللهم صلي وسلم على سيدنا محمد وعلى آله وصحبه أجمعين..


ولاتنسونى من الدعاء

أم آلاء
02-16-2012, 07:49 AM
تسلمي يا تنبش لفتح التجمع


اها انا سجلته ميييييين يزود

وربنا يحلنا كلنا بالسلامه ويدينا الحلل السااااااااااااااهل والخلقه التامه

اللهم آميييييين

وشكرا كتيييييير علي الادعيه

طبعا انا بولد قيصري :(،،والحمدلله ........

وضاحة
02-16-2012, 08:10 AM
تنبوشة وام الاء والنسوان العاملاتنها ولابدات
ربنا يحلكم بالسلامة ويسهل عليكم



ام الوية العملية دي بحددوها متين واسبابها شنو ؟؟؟
انا لسة ماعارفة طبيعي ولا عملية

أم آلاء
02-16-2012, 08:37 AM
يلا احكي ليكم انا بولد قيصري ليييييييه :(:(:(:(


قصه واخرها لسه ههههه

بي بتي الاولي الله يحفظها لي مشيت علي اساس انو ولاده طبيعيه وكان في وجع ومنتظم والامور كلها تمام التمام وركبوا لي درب وجع صناعي والي هنا كل ميه ميه

يلا لمن جات الاخصائيه المتابعه معاها ولقتني لسسه ما ولدته انا كنته بايته في المستشفي كلو وبتوجع والدرب ركبوهوا لي الصباااااااااح الي الساعه 12 ظهر المهم لمن جات عملت لي موجات وقالت لي للاسف لااااااااازم عمليه لانو الجنين ملفوف بالحبل السري (الكلام ده في السودان) يلا مشينا علي العمليه وتمت والحمدلله .........

أم آلاء
02-16-2012, 08:41 AM
انتي يا وضاحه لسه لكن في الشهر الاخير اعتقد بيشوفوا مقاس الحوض ووضع الجنين عشان يوركي طبيعي ولا لا

والله يديك الساعه الهيييينه والولاده السااااااااهله والخلقه التامه

ولينا كلنا يا رب







يلا نجي لولادتي بي بتي التانيه الله يخليها كنته هنا يلا مشيت برضو بوجع علي اساس انو اولد طبيعي بررررررضو لكن المره دي ما الحبل السري المره دي البيبي نبضوا قله شديييييييد وبقي ما قادر يتحرك زاتو قاموا دخلوني عمليه مستعجله ،،،،وبعد قيصريتين وبتبقي ثااااااااابته :(



وضح يا عسل وما تشيلي هم وتفكري في الموضوع كتير وطواااااااااالي ادعي انو ربنا يديك ولاده ساااااااهله وما كل التجارب زي بعض

اوكي يا عسل :)

أم آلاء
02-16-2012, 08:43 AM
الاسباب البتخلي الواحده تولد قيصري

اذا كان الجنين جاي بالعرض

اذا كان ضغط الام مرتفع او السكر

اذا كان الحبل السري ملفوف بس في دكاتره سمعته انهم بفكوهوا كيف ما عارفه

اذا كان نبض الجنين قله

اذا كان حوض الام ضيق

وكان اتزكرته حاجه بجي اقولها

تنبوشة
02-16-2012, 10:24 AM
هلا بأحلى كروشات
ام الاء ووضاحه
وين الباقي
:htey:
شرفتو الحوش ونورتوه
ربنا يهون علينا ويسهل


ام الاء ربنا يهون عليك ,,,,عندك في كل مره مجازفه
وقصه وحكايه
تاني امسكي في العمليه قوي وقولي ليهم ما بتوجع
التقول انا دغت الوجع هههههههههههههههههه
:lgr:
عندي بت اهلي مسكينه ولادتها الاولى تعبت شديد ورحمها ما فتح
ودخلوها عمليه
في المره التانيه عملت ليهم مجنونه وقالت ليهم من الاول عمليه وخلاص


انا من الخوف قلتا ليهم بس عمليه
اغمد وافتح القى البيبي او البيبيه جنبي وانتهت القصه
بس فكرت في البطن والعمليه وملحقاتها
بس الولاده الطبيعيه ,,,التعب كلو في وقتها وخلاص
وبعد داك الوحده بترجع عاديه

مع اني اتناقشت مع بابا الدكتور حقي
قال لي ما تستعجلي الكلام ده في النهايه بنشوف

وتاني قلتا خلاص في حقنة الضهر
باخدها وانتهينا


وفي كل صلاة بدعي ربنا يديني الولاده السهله الهينه
ربنا يقبل

وبفتش في الرياضات البسهل الولاده وبساعد عضلات الحوض
وربكم يسهل

أم آلاء
02-16-2012, 10:40 AM
انا عملياتي بحقنه الظهر بس يا تنبش ما بغمد وافتح بكون مفتتتتتتتتتتحه
هههههههههههههههههههههه

شفتي كيف بناتي بقول ليهم تعبتوني شدييييييييد

بعدداك قررتوا تطلعوا
هههههههههههههههههه


اللهم آمييييييييييييين يا رب


ونجي للوجع سااااااااااهل وما فيهو حاجه انا جاده معاك،،، بس عليكي بسوره الزلزله،،،وما تحفظين من ادعيه والزول معاك خليهو يدعو ويقرا يس ومريم ،، وانتي بتتوجعي وبدل الواحده تكورك وتهلك روحها بالكواريك تشيل نفس بتحتاج ليهو في اللحظات الاخيره وشيلت النفس دي بتخفف شويه علي الواحده ان شاء الله ومع ذكر الله وكلها لحظات وتنسي اي حاااااجه ونهائي ما تختي الاخت العمليه في راسك :)

وضاحة
02-16-2012, 11:55 AM
انا اكتشفت اني من زوات الدم البارد
ماخايفة ابدا والحمدلله زي ايام العرس كووووووووووووووووول وهمي في التجهيزات
بتتزكرو زمان ماقلت ليكم بدعي يارب ماتحرمني من وجع الولادة ونهائي مادايرة عملية الا الله يكون كاتبها لي
طبيعي بس واشيل بيبيني حبيبي فرش
ولاحقنة ولا غير جعلية انا

أم آلاء
02-16-2012, 12:10 PM
انا اكتشفت اني من زوات الدم البارد
ماخايفة ابدا والحمدلله زي ايام العرس كووووووووووووووووول وهمي في التجهيزات
بتتزكرو زمان ماقلت ليكم بدعي يارب ماتحرمني من وجع الولادة ونهائي مادايرة عملية الا الله يكون كاتبها لي
طبيعي بس واشيل بيبيني حبيبي فرش
ولاحقنة ولا غير جعلية انا

احيييييييييييك يا عسل

انا بوجعي ببتي الاولي امي كانت بتضحك علي كنته تجي الوجعه امسك في طرف السرير

واسكت تروح الوجعه امسك الموبايل والعب هههههههه

شفتي ميه القلب امي بتقول لي غايتو زي شجاعتكم انتي واختك ما لاقتني

جعلياات وكده خخخخخ

وبالتانيه السودانيات الفي المستشفي فضحونا شرطوا عينا بالكواريك

وانا الوجع مدور وما بكورك جاتني الهنديه ماما زياده الم ماما ليش مافي صوت انته ما سوداني
ههههههههههههه

برضو كاااان نفسي اولد طبيعي لكن الحمدلله علي ما اراد الله اراده ربنا فوق كل شئ

نعناعة
02-16-2012, 01:53 PM
انا عندي التهاب شديد و صوتي رايح و محمومة و الحواس ال 5 ما شغالة ينفع اسجل هنا ولا جيت غلط

نعناعة
02-16-2012, 02:12 PM
اتجوعلي بعدين الكلام هين
وش عيااااااااان

نسمة الصباح
02-16-2012, 02:22 PM
الله يحلكم بالسلامة جيت أشارككم وجدانيا
أنا عندي تلاتة ( ولدين وبنت )
والتلاتة طبيعي
في الولد الاول إتجرست جرسة العدو وكوركت لكن إكتشفت إني كنت عويرة وتعبت نفسي وخليت ولادتي تتأخر
المرة التانية قريت عن الولادة كتير عشان أتلافى غلطي في ولدي الاول
وقرايتي جات بي فايدة
الولادة التانية كانت بالنسبة لي ولا أسهل والتالتة أسهل وأسهل
عارفين السر شنو
السر في تمارين التنفس ولا تقولوا لي أوكسجين ولا غيرو
تمارين التنفس وبس
كل ما تجيك الوجعة تحاولي تنظمي تنفسك وإياك ثم إياك تكوركي أو تتعولقي وأمسكي في ربنا شدييييد
طريقة التنفس أنا ما متذكراها بالضبط لأنه آخر ولادة لي كانت قبل أربعة سنين تقريبا لكن بفتش عليها وبجيبها ليكم هنا
والله يحلكم بالسلامة ويديكم الساعة الهينة ويرزقكم بأطفال سليمين ومعافين

وضاحة
02-16-2012, 04:20 PM
اتجوعلي بعدين الكلام هين

وش عيااااااااان


:kaf::kaf::kaf::kaf:

ان شاءالله الفيروسات الفي راسك طارت

أم آلاء
02-16-2012, 04:55 PM
انا عندي التهاب شديد و صوتي رايح و محمومة و الحواس ال 5 ما شغالة ينفع اسجل هنا ولا جيت غلط


انتي شايفه شنو اكيد جيتي غلط يلا بره
الله يحلكم بالسلامة جيت أشارككم وجدانيا
أنا عندي تلاتة ( ولدين وبنت )
والتلاتة طبيعي
في الولد الاول إتجرست جرسة العدو وكوركت لكن إكتشفت إني كنت عويرة وتعبت نفسي وخليت ولادتي تتأخر
المرة التانية قريت عن الولادة كتير عشان أتلافى غلطي في ولدي الاول
وقرايتي جات بي فايدة
الولادة التانية كانت بالنسبة لي ولا أسهل والتالتة أسهل وأسهل
عارفين السر شنو
السر في تمارين التنفس ولا تقولوا لي أوكسجين ولا غيرو
تمارين التنفس وبس
كل ما تجيك الوجعة تحاولي تنظمي تنفسك وإياك ثم إياك تكوركي أو تتعولقي وأمسكي في ربنا شدييييد
طريقة التنفس أنا ما متذكراها بالضبط لأنه آخر ولادة لي كانت قبل أربعة سنين تقريبا لكن بفتش عليها وبجيبها ليكم هنا
والله يحلكم بالسلامة ويديكم الساعة الهينة ويرزقكم بأطفال سليمين ومعافين

اللهم امييييييييين ،،،تسلمي يا غاليه علي سرد تجربتك وفعلا كلامك ميه ميه الكواريك غير بتعب الام

وتأخر الولاده ما بتعمل حاجه

والله يسهل للجمييييييع يا رب

butterfly
02-17-2012, 12:04 PM
تسلمي يا تنبش لفتح التجمع


اها انا سجلته ميييييين يزود

وربنا يحلنا كلنا بالسلامه ويدينا الحلل السااااااااااااااهل والخلقه التامه

اللهم آميييييين

وشكرا كتيييييير علي الادعيه

طبعا انا بولد قيصري :(،،والحمدلله ........

دا متين دا ؟؟


يا مرة اخجلي بتك خطبوها :lgr:











ربنا يتمم ليكم بخير يا بنوت ويديكم احلى بيبيهات

أم آلاء
02-18-2012, 03:45 AM
دا متين دا ؟؟


يا مرة اخجلي بتك خطبوها :lgr:











ربنا يتمم ليكم بخير يا بنوت ويديكم احلى بيبيهات


كان عرسوها زااااااااااتو بولد ولادتي مالي ومالها صغيره وحلاتي



:7a::Joke:

هند الفاتح
02-18-2012, 03:27 PM
أكتبوني معاكم
:hpy:

زيتونة
02-18-2012, 06:10 PM
هووووووووووووووووووووي وانا كمان سجلوني معاكم باعتبار ما سيكون :hpy: ان شاء الله تعالى:Joke:

ام عبدالرحمن
02-18-2012, 08:14 PM
انشاااااااااااالله يازوزو ربنا يسمع منك

تنبوشة
02-19-2012, 04:27 AM
ازيكم يا احلى كروشات
ويا احلى مترقبات
ويا أحلى مجاملات


مرحب بيكم وشرفتو الحوش
وان شاء الله دايما معانا
مستفيدين من بعض وموسعين صدور بعض
ومغلبين بعض
:lol:

تنبوشة
02-19-2012, 04:34 AM
الله يحلكم بالسلامة جيت أشارككم وجدانيا
أنا عندي تلاتة ( ولدين وبنت )
والتلاتة طبيعي
في الولد الاول إتجرست جرسة العدو وكوركت لكن إكتشفت إني كنت عويرة وتعبت نفسي وخليت ولادتي تتأخر
المرة التانية قريت عن الولادة كتير عشان أتلافى غلطي في ولدي الاول
وقرايتي جات بي فايدة
الولادة التانية كانت بالنسبة لي ولا أسهل والتالتة أسهل وأسهل
عارفين السر شنو
السر في تمارين التنفس ولا تقولوا لي أوكسجين ولا غيرو
تمارين التنفس وبس
كل ما تجيك الوجعة تحاولي تنظمي تنفسك وإياك ثم إياك تكوركي أو تتعولقي وأمسكي في ربنا شدييييد
طريقة التنفس أنا ما متذكراها بالضبط لأنه آخر ولادة لي كانت قبل أربعة سنين تقريبا لكن بفتش عليها وبجيبها ليكم هنا
والله يحلكم بالسلامة ويديكم الساعة الهينة ويرزقكم بأطفال سليمين ومعافين


هلا بنسمة الصباح
وربنا يحفظ ليك العيال وابوهم
وتزيديهم يارب العالمين

وتسلمي على مشاركتك لينا لتجربتك
وإن شاء الله ربنا يهون ونستفيد منها وقت الجد
:lol:
ونغلبك معانا شويه
وتبحتي ذاكرتك وتورينا التمارين دي كيف
:sp:
في انتظارك يا عسل

تنبوشة
02-19-2012, 04:37 AM
انا عندي التهاب شديد و صوتي رايح و محمومة و الحواس ال 5 ما شغالة ينفع اسجل هنا ولا جيت غلط



:Hit:


دا متين دا ؟؟


يا مرة اخجلي بتك خطبوها :lgr:


ربنا يتمم ليكم بخير يا بنوت ويديكم احلى بيبيهات


:lol:

تسلمي يا بتر
واللهم آميييييييييييين يارب العالمين
عقبالك تحصلينا قريب
:Joke:

نسمة الصباح
02-19-2012, 04:45 AM
أكتبوني معاكم
:hpy:

أها جنس دي يقولوا عليها شنو
كدي أسمعي المثل المصري دا :
قبل ما تتجوز جابت المأذون...و قبل ما تحمل حضّرت الكمون...و قبل ماتولده سمته مأمون :lgr:
خاتية عليك أنا ؟؟

تنبوشة
02-19-2012, 04:46 AM
هندويه العسل
زي عملتي لي كنفيوز
وبقيت ما فامه انتي تبع منو ظاطو
غايتو للضمان كده الله يديك الفي مرادك
:lb:

زوزه الغاليه
اللهم آميييييييييييييين
ربنا يقبل ويسهل عليك ونسمع عنك كل الاخبار الحلوة


ام عبد الرحمن الظريفه
اميييييييييين يارب
وانتي كمان معانا

وضاحة
02-19-2012, 05:31 AM
صباحكم خير

يا احلى كروشات
ويا احلى مترقبات
ويا أحلى مجاملات


اسمعوا انا بقيت سافوتة طالعة اكل نازلة اكل
والوزن اسكتو بس نهائي مامتعرفة على نفسي
الحل شنو ...

وضاحة
02-19-2012, 07:17 AM
مافاضية اترجم ليكم عارفاكم بتفهمو

Sleeping on your side is best while you're pregnant. In particular, sleeping on your left side may benefit your baby by improving blood flow – and therefore nutrients – to the placenta. It also helps your kidneys efficiently eliminate waste products and fluids from your body, which in turn reduces swelling (http://www.babycenter.com/0_swollen-extremities-edema-during-pregnancy_230.bc) in your ankles, feet, and hands.
It's a good idea to start training yourself early in pregnancy to sleep on your left side whenever you can. Of course, staying in one position all night isn't likely to be comfortable, so turning from side to side while favoring your left side is probably the best strategy.
As for sleeping on your back, avoid that position throughout pregnancy, especially in the later months. Here's why:
When you're sleeping on your back, the weight of your uterus lies on the spine, back muscles, intestines, and major blood vessels. This can lead to muscle aches and pains, hemorrhoids (http://www.babycenter.com/0_hemorrhoids-during-pregnancy_244.bc), and impaired circulation, which is uncomfortable for you and can reduce circulation to your baby.
Back sleeping can make blood pressure drop, causing some expectant moms to experience dizziness. On the other hand, in some moms-to-be it can make blood pressure go up.
Finally, back sleeping can cause snoring (http://www.babycenter.com/0_sleep-problem-snoring_7541.bc) and, with increased weight, could lead to sleep apnea (http://www.babycenter.com/0_sleep-problem-sleep-apnea_7547.bc).

تنبوشة
02-19-2012, 07:56 AM
صباحكم خير



اسمعوا انا بقيت سافوتة طالعة اكل نازلة اكل
والوزن اسكتو بس نهائي مامتعرفة على نفسي
الحل شنو ...


اجل اجل اجل
ماشا كويس يا فرده
هع هع هع

:lol:

تنبوشة
02-19-2012, 07:58 AM
وضحضح
ترجمي قوام
ما دايره لي اي رطانه هنا
:noo:

تنبوشة
02-19-2012, 09:05 AM
بالمناسبه
بتعرفو حليب المرأة الحامل


http://www.mims.com/resources/drugs/Malaysia/pic/Anmum%20Materna%20with%20Hi-Folate,%20Gangliosides,%20DHA%20&%20FOS%20milk%20powd_50823.gif

انا جابو لي الفلبينيات من الفلبين
اها اشربو ولا ده بكون حق خنازير
على قول عود صندلي

:lb:

وضاحة
02-19-2012, 09:37 AM
اجل اجل اجل
ماشا كويس يا فرده
هع هع هع

:lol:


وهم كرور
عاملة زي اختي قالت لي دي فرصتك تاكلي بدون اي احساس بالذنب حامل وكدا :2a: انتو الاتنين

وضاحة
02-19-2012, 09:48 AM
كان عرسوها زااااااااااتو بولد ولادتي مالي ومالها صغيره وحلاتي



:7a::Joke:

بعرف واحدة بتلد هي وبتها سوا سوا :hpy:

أم آلاء
02-19-2012, 10:39 AM
صباحكم خير



اسمعوا انا بقيت سافوتة طالعة اكل نازلة اكل
والوزن اسكتو بس نهائي مامتعرفة على نفسي
الحل شنو ...

حاولي اكلي سته وجبات خفيفه اثناء اليوم وفي النص لو حسيتي بجوعه

اكلي فوااااااااااااااااكه بكثره

والزياده دي عاديه في الحمل بس بعد الولاده

ما تأكلي ناس مديده وشنو ما عارف وشنو

ما تسمعي الكلام لانو الزياده الجد لو ما انتظمتي في الاكل بعد الولاده

وربنا يهون علينا كلنا يا رب

أم آلاء
02-19-2012, 10:45 AM
لكن يا وضاحه انا اصلا متعوده اني برقد علي الجانب اليمين
وبقلب لي الايسر شووويه وبرجع تاني اليمين

غايتو الله يعين لكن فكره اني ارقد يسار فتره طويله دي صعبه ياخ




تنبش اول مره اسمع بحليب المراه الحامل

ههههههههههههههههه


يكون زي ما قال ليك عود صندلك :d

أم آلاء
02-19-2012, 10:46 AM
بعرف واحدة بتلد هي وبتها سوا سوا :hpy:
وانا كمان بعرف كذا مثال
:hpy::hpy::hpy:

أم آلاء
02-19-2012, 10:49 AM
النوم على الجانب الخاص بك هو أفضل بينما كنت حاملا. على وجه الخصوص، قد النوم على جانبك الأيسر يستفيد طفلك من خلال تحسين تدفق الدم - وبالتالي المواد الغذائية - إلى المشيمة. كما أنه يساعد الكليتين القضاء بكفاءة الفضلات والسوائل من الجسم، وهذا بدوره يقلل من تورم في الكاحلين والقدمين واليدين.
انها فكرة جيدة لبدء تدريب نفسك في وقت مبكر من الحمل النوم على جانبك الأيسر كلما استطعت. وبطبيعة الحال، والبقاء في موقف واحد كل ليلة من غير المحتمل أن تكون مريحة، وتحول بذلك من جانب إلى آخر في حين يفضل الجانب الأيسر هو على الارجح أفضل استراتيجية.
أما النوم على ظهرك، تجنب هذا الموقف طوال فترة الحمل، وخصوصا في الأشهر في وقت لاحق. هنا لماذا:
عندما كنت نائما على ظهرك، وزن الرحم تقع على العمود الفقري، وعضلات الظهر، والأمعاء، والأوعية الدموية الكبرى. هذا يمكن أن يؤدي إلى آلام في العضلات والآلام، والبواسير، وضعف الدورة الدموية، والذي هو غير مريح بالنسبة لك ويمكن أن تقلل من تداول لطفلك.
مرة أخرى يمكن أن النوم جعل الدم انخفاض الضغط، مما تسبب في بعض الامهات الحوامل







تنبش دي الترجمه :) من عمو قوقل هههههههههه

تنبوشة
02-19-2012, 11:12 AM
اتلهيت يا حلوة
:Joke:



ام الاء بالجد ما قصرتي معاي ومع الزي
لكن بالجد القصه دي انا زاتي برتاح فيها بقيت,,,,بنوم على جنبي الايسر اكتر بقيت
والجانب الايمن ما بقول ليك متعب,,,,,بس بقيت بهناك اكتر

والضهر ده رقدتي المفضله طبعا ,,,,بس هس عود صنلي قايم بالواجب اتجاه الله والوطن
كل ما يفتح يلاقيني راقده على ضهري يصحيني,,,ارقدي على جنبتك
لما يوم اعمل فيهو كده
:cl:

:lgr:

أم آلاء
02-19-2012, 11:18 AM
ما بيناتنا يا عسل

عود صندلك معاهو حق الظهر متعبه انا هي رقدتي المفضله لكن بتعب شديد فبطلتها




اها للتوضيح هند الفاتح تبع ناس نعناعه يعني شلاقه شديد بس
ههههههههههههههههههههههههههه

تنبوشة
02-19-2012, 11:25 AM
اها للتوضيح هند الفاتح تبع ناس نعناعه يعني شلاقه شديد بس
ههههههههههههههههههههههههههه


في زمتك
:eek:
وحاة الله حيرتني
الله يديهم قدر نيتهم ويسعدهم
ويخشو المعمه الاحنا فيها دي
ونشوف تعليقاتهم بعدين بتكون كيفن
الله يقرب لينا اليوم ده
:fgt:


بالنسبه للحليب
بالجد ما سمعتي بيهو ,,,,,,يعني هس تفتكري اشرب منو ولا ما اشرب
كل يوم انا يسالوني السؤال ده
شربتي ولا ما شرتبي
:rolleyes:

أم آلاء
02-19-2012, 11:34 AM
اللهم امييييييييييين يا رب

الله يقرب اليوم ده ونشوف عميالهم
ههههههههههههههههه


اها يا ستي والله ما سمعته بيهو مكوناتو مكتوبه بياتو لغه ؟؟

علي العموم انا عندي مواعيد الليله مع الدكتوره

وهي فلبينيه

ايمكن تفيدنا اشيل اسمو ولا اقول ليك رسلي لي الصوره في الزقاق البهنااااااك
عرفتيو زقاق الترمس
هههههههههههههه

نعناعة
02-19-2012, 01:15 PM
انا بنوم علي بطني و نفسي بتكتم شديد خلاص مع الكحة دي

هع

reery
02-19-2012, 03:50 PM
انا بنوم علي بطني و نفسي بتكتم شديد خلاص مع الكحة دي


هع






نووووووووووومي وكل مرة ادي بطنك ضغطة لتحت وكوحي كحتك

وبعدين شتتي شغلك


بنات اخر زمن

:kaf:

Nada karim
02-19-2012, 05:29 PM
ربنا يحلكم بالسلامة يا حلوات

ام عبدالرحمن
02-19-2012, 06:21 PM
عقبال مانشوفك مع التجمع ده ياندوش

وضاحة
02-20-2012, 05:58 AM
طيب انا رقدة الضهر بتريحني بس نفس حال تنبوشة بهرشوني
والرقدة على اليمين حرقان طواااااااااااااااااالي

وضاحة
02-20-2012, 06:06 AM
ربنا يحلكم بالسلامة يا حلوات
اميييييييييييييييييييييييين يارب وعقبالك عندك ياعسل

تنبوشة
02-20-2012, 08:01 AM
ازيكم يا حلوات
كيفكم وكيف احوالكم واموركم
وكيف البيبيهات والمباريات كرة القدم والدافوري
هع هع هع هع


:lol:

تنبوشة
02-20-2012, 08:07 AM
اللهم امييييييييييين يا رب

الله يقرب اليوم ده ونشوف عميالهم
ههههههههههههههههه


اها يا ستي والله ما سمعته بيهو مكوناتو مكتوبه بياتو لغه ؟؟

علي العموم انا عندي مواعيد الليله مع الدكتوره

وهي فلبينيه

ايمكن تفيدنا اشيل اسمو ولا اقول ليك رسلي لي الصوره في الزقاق البهنااااااك
عرفتيو زقاق الترمس
هههههههههههههه

خساره يا ستي ما شفت كلامك ده الا هس
طمنينا عليك بالأول وعلى البيبي وكيف كانت المقابله

ولو دكتورتك ابو فلبن اكييييد بتعرفو من غير صوره ومن غير اسم زاتو بس قولي ليها حليب الحمل
اها ان شا ءالله جيتينا باي خبر منو



انا بنوم علي بطني و نفسي بتكتم شديد خلاص مع الكحة دي


هع


بما انك حاله شازه شديد
نومي زي نوم الديك
بتعرفيهو
:lal:



ربنا يحلكم بالسلامة يا حلوات


آميييييييييييييييييين يا ندويه
وعقبال ما تكوني معانا هنا
وقرييييييييييييييب يارب العالمين


عقبال مانشوفك مع التجمع ده ياندوش

آميييييييييييين ياأم عبد الرحمن


طيب انا رقدة الضهر بتريحني بس نفس حال تنبوشة بهرشوني
والرقدة على اليمين حرقان طواااااااااااااااااالي

والله الهرشه دي مرات بتقطع احلى نومه
احييييييييييييييييييييييييي بس
اما ما يسمى هذا الحيرقان
بس نقول يعوضنا الله
:o

Nada karim
02-20-2012, 08:33 AM
كيف اصبحتو يا حروم

ان شاء الله انتو كويسات

اها جبت ليكم اللبن


http://2.bp.blogspot.com/-7igyL8twPcg/TvDXcH5SNVI/AAAAAAAAAcQ/aEtaCfg3pW4/s1600/Glass-milk.jpg

Nada karim
02-20-2012, 08:39 AM
عقبال مانشوفك مع التجمع ده ياندوش

اميييييييييييييييييييييييين يارب وعقبالك عندك ياعسل















آميييييييييييييييييين يا ندويه
وعقبال ما تكوني معانا هنا
وقرييييييييييييييب يارب العالمين




آميييييييييييين ياأم عبد الرحمن







امييييييييييييييييين يا رب
تسلمو على الدعوة الحلوة يا غاليات
ربنا ما يحرمنى منكم ابدا

أم آلاء
02-20-2012, 08:57 AM
الحمدلله الامور كلها تمام البيبي بخييييييير

وكل الامور تمام التمام الحمدلله

ما سألتها والله :(

اللهم امييييييييييييييييييييييييييييين يا ندوش قريب قبال ولادتنا تجينا في تجمعنا ده


انتي وزيتونه وكل الحبيباااات

تنبوشة
02-20-2012, 09:12 AM
الحمدلله الامور كلها تمام البيبي بخييييييير

وكل الامور تمام التمام الحمدلله

ما سألتها والله :(




احيييييييييييييييييييييييي

:cl:

أم آلاء
02-20-2012, 09:14 AM
:lgr::lgr::lgr:

ما تزعلي ماشه ليها تاني قريييييييييييب ان شاء الله

تنبوشة
02-20-2012, 09:17 AM
:lgr::lgr::lgr:

ما تزعلي ماشه ليها تاني قريييييييييييب ان شاء الله


ما دايره
مواعيدي اقرب
:lal:

أم آلاء
02-20-2012, 09:22 AM
احسن ليييييييييييييك

دي من بني جنسهم
وانا المره دي ماشه ليها عشان اشيل ملفي
عشان امشي المستشفي يعني ما مقابله وحيكون قريييب
ان شاء الله بس احدد ياتو مستشفي عشان تكتبها لي في ملفي
:Joke:

تنبوشة
02-20-2012, 09:26 AM
احسن ليييييييييييييك

دي من بني جنسهم
وانا المره دي ماشه ليها عشان اشيل ملفي
عشان امشي المستشفي يعني ما مقابله وحيكون قريييب
ان شاء الله بس احدد ياتو مستشفي عشان تكتبها لي في ملفي
:Joke:


ثـــــــــمــــــــح
:lb:

أم آلاء
02-20-2012, 09:30 AM
تمــــــــــــــــــام يا عسل

ان شاء الله لمن امشي ليها بسألها ليك حليب الحمل

تنبوشة
02-20-2012, 09:34 AM
تمــــــــــــــــــام يا عسل

ان شاء الله لمن امشي ليها بسألها ليك حليب الحمل


انتي صورتو ما ظهرت ليك؟

طبعا انا عمو الدكتور بتاعي
عندو جن اسمو النت
بس يقول ليك اقري في النت عنو
هههههههههههههههههههه

فبقرب لقول ليهو
:2a:

أم آلاء
02-20-2012, 09:37 AM
انتي النت ما قال ليك حاجه عنو ؟؟؟

حسه بمشي الصفحه القدام اشوف الصوره



اها ما وريتيني كيف مع الرفيس

تنبوشة
02-20-2012, 09:44 AM
انتي النت ما قال ليك حاجه عنو ؟؟؟

حسه بمشي الصفحه القدام اشوف الصوره



اها ما وريتيني كيف مع الرفيس


النت جاب لي النضمي كلو بالعنقليزي
وانا ثقافتي نرويجي بس
ههع هع هع هع

والرفيس عجييييييب
سبحان الله
واحساس ربنا ما يحرمو من اي بنت يارب العالمين

زمان كنت دايما بسال بنات عمي لما يتحرك البيبي انتو ما بتخافو
وبقول ليهم اتخيل لي كان حملت واتحرك في بطني
بجري
ههههههههههههههههههه

لكن فترتا من الدافوري
مع انو الوقت بدري شديد
هههههههههههههههههههه

أم آلاء
02-20-2012, 09:45 AM
Anmum Materna هو ارتفاع في حمض الفوليك، والمغذيات اختبارها سريريا لدعم نمو الجنين وتقليل مخاطرها من العيوب الخلقية. ما هو أكثر من ذلك، كما أنه يحتوي على Gangliosides، الأحماض الدهنية الأساسية والحامض اللعابي - وكلها تلعب دورا مهما في النمو العقلي لطفلك.



فقط كأسين من Materna Anmum يوميا تعطيك 100٪ من حامض الفوليك يوميا، و 50٪ من احتياجاتها من الحديد الخاص بك. أفضل للجميع، وأنها أدت إلى تقليص الدهون واللاكتوز، وكميات من التغذية.



أخذ كوب واحد مع وجبة الإفطار وكوب واحد في وقت النوم، والشعور بالثقة الذي قدمتموه لطفلك غذاء الدماغ انه يحتاج!



اها شوفي عمو قوقل قال شنو عنو

أم آلاء
02-20-2012, 09:45 AM
http://www.anmum.com/ph/image.aspx?id=34

تنبوشة
02-20-2012, 09:49 AM
النصيحه لي الله
بنات ابو فلبن هنا بشكروه
لكن يا فرده عود صندلي جهجهني
عشان كده جريت شخيط
هههههههههههههههههههههه

وبعدين ما سمعت بيهو عند اهلنا العرب ديل
:p

أم آلاء
02-20-2012, 09:53 AM
النت جاب لي النضمي كلو بالعنقليزي
وانا ثقافتي نرويجي بس
ههع هع هع هع

والرفيس عجييييييب
سبحان الله
واحساس ربنا ما يحرمو من اي بنت يارب العالمين

زمان كنت دايما بسال بنات عمي لما يتحرك البيبي انتو ما بتخافو
وبقول ليهم اتخيل لي كان حملت واتحرك في بطني
بجري
ههههههههههههههههههه

لكن فترتا من الدافوري
مع انو الوقت بدري شديد
هههههههههههههههههههه


اللهم امييييييييييييييييين يا رب



احساس ظريف ياخ انا لمن البيبي

يتحرك بكون مبسوطه خالص لانو بطمئن عليهو انو بخير

ولمن يلبد الجرسه تدور
ههههههههههههههههه


ربنا يتم لينا بالسلامه ويرزق الجميع ويدينا الخلقه التااااااامه يا رب بت ولد ما مهم المهم الخلقه التاااااامه ولا شنو :)

أم آلاء
02-20-2012, 09:55 AM
النصيحه لي الله
بنات ابو فلبن هنا بشكروه
لكن يا فرده عود صندلي جهجهني
عشان كده جريت شخيط
هههههههههههههههههههههه

وبعدين ما سمعت بيهو عند اهلنا العرب ديل
:p


الكلام الجبتو ده ووديتو ليك المترجم ترجمتو

ما اقنعك :(

خلاث اجدعيهو لي بيجاي ولا اقول ليك بمشي افتشوا
:hpy::hpy::hpy:

تنبوشة
02-20-2012, 10:01 AM
اللهم امييييييييييييييييين يا رب



احساس ظريف ياخ انا لمن البيبي

يتحرك بكون مبسوطه خالص لانو بطمئن عليهو انو بخير

ولمن يلبد الجرسه تدور
ههههههههههههههههه


ربنا يتم لينا بالسلامه ويرزق الجميع ويدينا الخلقه التااااااامه يا رب بت ولد ما مهم المهم الخلقه التاااااامه ولا شنو :)

آمييييييييييييييييين يارب


الكلام الجبتو ده ووديتو ليك المترجم ترجمتو

ما اقنعك :(

خلاث اجدعيهو لي بيجاي ولا اقول ليك بمشي افتشوا
:hpy::hpy::hpy:


:lgr:
القصه ما كده,,,,,,بس ما تفهمي

يافرده امشيب اي سوبر ماركت تبع ابوفلبن
قالو بتلقي فيهو

أم آلاء
02-20-2012, 10:09 AM
عارفه مرات في حاجات النفس بترفضها

ومهما الزول عمل لفي نفس في النفس
حاسه بيييييييييك انا برضو كده

:lgr::lgr::lgr:

تنبوشة
02-20-2012, 10:15 AM
بالمناسبه وين وضحضح
:lb:

أم آلاء
02-20-2012, 10:18 AM
ما شوفتها الليله بي جاي

تكون ملخومه
ولا جعانه

وبتأكل
ههههههههه

تنبوشة
02-20-2012, 10:22 AM
ما شوفتها الليله بي جاي

تكون ملخومه
ولا جعانه

وبتأكل
ههههههههه

:lgr:
واااااااااااااااي يا بطني


الليله بتجي تملا الصفحه دي كفوف
يعوضنا الله



الليله انا كان عندي فحص السكري
شربوني القزازه بتاعت الجلكوز عكرت دمي وبشتنت حالي
والدخلتني فيهو تاني ما مرقت منو
بس الحمد لله

وطلعتني من المود
لدرجه اني ما عندي نفس اشتغل ,,,خليت الفلبينيه براها في الغرفه وقعدتا بره
غايتو بتكون شاماني بالالوان
:lol:

أم آلاء
02-20-2012, 10:33 AM
وااااااااااااااي اسخف حاجه فحص السكر

طبعا انا لسه ما مشيت للفحوصات الكتيره حقت المستشفي دي

متابعه مع دكتورتي دي في عيادتها

لمن اخش السابع ان شاء الكريم

بعدداك ابقي في القصص الطويله الممله دي :(:(:(

أم آلاء
02-20-2012, 10:34 AM
وضاحه الليله يحلنا منها

الحل بله
:lgr::lgr::lgr:


ونتيجه السكر طلعت كيف :)

تنبوشة
02-20-2012, 10:43 AM
والله سخيف شديد
بس يعوضنا الله

بشوفو بكره في السيستم
مواعيدي الاسبوع الجاي
يوم الاحد عندي موجات فوق صوتيه
والاتنين مقابلة الدكتور


الله يهون

أم آلاء
02-20-2012, 10:44 AM
الله ييسهل يا رب

وان شاء الله النتيجه تكون مطمئنه

هو اساسا فحص روتيني

سمراء النيل
02-20-2012, 06:23 PM
اوووووووووووووووووه الله يحلكم بالسلامة


ويدي الباقيييييين عاجلا غير اجل

وضاحة
02-21-2012, 05:09 AM
ديل لام الاء :kaf::kaf::kaf:

وديل لتنبوشة :kaf::kaf::kaf:

وكان ماقلتو بتملى الصفحة كفوف ماكنت دايرة اكفتكم مراعاة لحالتكم الحملية بس تستاهلو

وضاحة
02-21-2012, 05:20 AM
الله يقرف الجلكوز والعمل الجلكوز ياخي ماكان اشربونا موية سكر
يع يع يع
الحمدلله نتيجة الفحص كويسة ...اها اوع يكون بعملوه لي تاني
والفحوصات دي بتتعمل كل كم ؟؟؟طولت ماعملت فحوصات ولا الترا ساوند

أم آلاء
02-21-2012, 09:05 AM
سموره اللهم امييييييييييييين

هو انتي ما اديتينا كفوف تبقي ما انتي
ههههههههههههههههههههههههه


بما انو النتيجه طلعت كويسه الحمدلله ما ظنيت يعملوا ليك تاني

مواعيدك كل كم ؟انا من حملته فحوصات واحده ما عملتها كل البعملوا
بأخذ الحبوب وبعمل التراساوند كل فتره واطمئن انو البيبي والمويه وكلو تمام
وانتهينا هههههههههههه

تنبوشة
02-21-2012, 09:15 AM
صباحكم سكر يا حلوات

كيفكم اليوم إن شا ءالله أحسن


خلوني أشوف الفاتني وارجع

تنبوشة
02-21-2012, 09:20 AM
اوووووووووووووووووه الله يحلكم بالسلامة


ويدي الباقيييييين عاجلا غير اجل

هلا بسموره
ام العيون الذباحه
هع هع هع

الهم امين يارب العالمين

ديل لام الاء :kaf::kaf::kaf:

وديل لتنبوشة :kaf::kaf::kaf:

وكان ماقلتو بتملى الصفحة كفوف ماكنت دايرة اكفتكم مراعاة لحالتكم الحملية بس تستاهلو
:lgr::lgr:
:lgr:


الله يقرف الجلكوز والعمل الجلكوز ياخي ماكان اشربونا موية سكر
يع يع يع
الحمدلله نتيجة الفحص كويسة ...اها اوع يكون بعملوه لي تاني
والفحوصات دي بتتعمل كل كم ؟؟؟طولت ماعملت فحوصات ولا الترا ساوند

والله يا فرده حكايتو صعبه شديد
بس نقول يعوضنا الله
انا غايتو عملت فحوصات مره واحده بس
وتاني بعمل كل شهر مقابلهوقبليها تلفزيون
بث

سموره اللهم امييييييييييييين

هو انتي ما اديتينا كفوف تبقي ما انتي
ههههههههههههههههههههههههه


بما انو النتيجه طلعت كويسه الحمدلله ما ظنيت يعملوا ليك تاني

مواعيدك كل كم ؟انا من حملته فحوصات واحده ما عملتها كل البعملوا
بأخذ الحبوب وبعمل التراساوند كل فتره واطمئن انو البيبي والمويه وكلو تمام
وانتهينا هههههههههههه

ام الاء اي وحده لما تبدا تجيب التاني والتالت بتعمل رايحه من قصة الفحوصات دي
لماذا
:lol:

وضاحة
02-21-2012, 09:52 AM
انا حالتي كانت شوية حرجة ففحوصاتي كانت كتيرة هسه شهرين ماعملت فحص وزعلانة ليه مايفحصوني ودايرة امش اكفت الدكتورة :cl:

مواعيدي بقت كل تلاتة اسابيع احلى حاجة امش الدكتورة الصباح واخد اليوم إجازة:hpy:

الفرفرة وماادراك مالفرفرة احلى حاجة في الحمل ونحن ظريفين شديد قاعدين نألف معاها قصص ونفسر سبب الفرفرة والرسالة المراد توصيلة من الرفسة :lgr:

أم آلاء
02-21-2012, 10:04 AM
فعلا يا تنبش بي الاء كنته لااااااااازم شهري الفحوصات والفلم الطويل ده كان الدكتوره ابت بصر وبعملها

بي الثانيه ما عملته الفحوصات الا في السابع قبلها كنته بس مع دكتورتي نفس القصه الحسه موجات والحبوب واطمئن انو البيبي كويس وانتهينا وحسه نفس القصه
خخخخخخخخخخخخخخخخخخ

ما تقدري تفهمي ليه

هههههههههههههه

أم آلاء
02-21-2012, 10:07 AM
يا بت دايره بالفحص الطوالي شنو

يشيلوا دمك كلو ويكرهوكي
اعمل الترا ساوند اطمئني علي البيبي والمويه والنبض وانتهينا
هههههههههههههههههههههه

تنبوشة
02-22-2012, 04:37 AM
صباحكم سكر يا أحلى كروشات
كيفكم اليوم
اديكم النكته الصباحيه البايخه دي

قالو في مسطول مع خطيبتو,,,بتمشو في شارع النيل
واول ما قعدو مسك يدها وعاين للسماء
قال ليها شايفه القمره ديييييك
قالت ليهو بكل صوت حنين ايوة يا حبي
قال ليها :ريحة جزمتك واصله عندها
:lol:

انا حالتي كانت شوية حرجة ففحوصاتي كانت كتيرة هسه شهرين ماعملت فحص وزعلانة ليه مايفحصوني ودايرة امش اكفت الدكتورة :cl:

مواعيدي بقت كل تلاتة اسابيع احلى حاجة امش الدكتورة الصباح واخد اليوم إجازة:hpy:

الفرفرة وماادراك مالفرفرة احلى حاجة في الحمل ونحن ظريفين شديد قاعدين نألف معاها قصص ونفسر سبب الفرفرة والرسالة المراد توصيلة من الرفسة :lgr:

والله يا وضاحه احلى حاجه في المقابله هي الالتراساوند
عشان بالجد بتتكيفي وتشوفي البني آدم الفي بطنك ده حي وبتحرك
سبحان الله
اما الدم ده ابيخ شي
واساسا انا عروقي ما بتظهر بالساهل
وعليه بكون في عذاب شديد عشان سحب الدم بس الحمد لله


اما ما يتعلق بالحركه نحن نفس القصه
هههههههههههههههههههه
بس التقولي مجانين

ربنا يتم لينا فرحتنا
ويجيبهم بالسلامه
ويفرح قلوب كل العايزين يارب العالمين





فعلا يا تنبش بي الاء كنته لااااااااازم شهري الفحوصات والفلم الطويل ده كان الدكتوره ابت بصر وبعملها

بي الثانيه ما عملته الفحوصات الا في السابع قبلها كنته بس مع دكتورتي نفس القصه الحسه موجات والحبوب واطمئن انو البيبي كويس وانتهينا وحسه نفس القصه
خخخخخخخخخخخخخخخخخخ

ما تقدري تفهمي ليه

هههههههههههههه


صحي ما تفهمي القصه شنو
:fgt:
انا اخت عود صندلي
بتعمل نايمه لحدي ما تخش في السابع ومرات تقرب تكملو حتى بتمش لدكتور
صراحه انا شايفاه تخلف
هههههههههههههههههههههههه
ما هو اي شي في اولو بتحصل
بس لما الامور تتفاقهم تاني مافي شي بحصلها
الله يهون القواسي

وضاحة
02-22-2012, 05:44 AM
يا بت دايره بالفحص الطوالي شنو

يشيلوا دمك كلو ويكرهوكي
اعمل الترا ساوند اطمئني علي البيبي والمويه والنبض وانتهينا
هههههههههههههههههههههه
النبض كل مرة بتشوفو بجهاز صغيرون كدا والتراشاوند برضو زيارتين ماعملت
عارفة اخر مرة شافت النبض قالت لي كويس قلت ليها الصوت المرة الفاتتكان اعلى قالت لي خلاص بسمعك ليه تاني
خت الجهاز خبطها البيبي:cl: غيرت المكان تاااااااني خبطها :lgr: قالت لي خلاص معناها كويس

أم آلاء
02-22-2012, 11:22 AM
تنبش لا لا انا ما زي اخت عود صندلك

بقلق لكن ما لدرجه اني اشيل دم كل شهر

الدم من السابع فما فوق

اما قبل ذلك التراساوند شهري مع دكتورتي
واطمئن علي النبض والبيبي والمويه
واغير الحبوب وهكذا

أم آلاء
02-22-2012, 11:24 AM
وضااحه عافيه منو البيبي
هههههههههههههههههه



النبض اهم شئ ايوه والالتراساوند انا بحبها جدا جدا جدا

اما ما تبقي من الفحوصات
احححححححححححححي منها الحمدلله بس

قربته اخش فلمها :(

أم آلاء
02-22-2012, 11:24 AM
تنبش النكته فظيعه
:lgr::lgr::lgr:
:lgr:

وضاحة
02-22-2012, 03:10 PM
الفحوصات دي من البداية دخلت فلمها ومابخاف منها
تدخل الحقنة تقولي دخلتها في مرتبه احساس مافي ولابمرمش
زوجي قال لي ماممكن كدا ادلعي شوية ...ابكي مثلا

نعناعة
02-22-2012, 05:04 PM
ازيكم طولتا ما كتبتا يومياتي
التعب التعب ما بيروح
الالتهاب دة قاسي شديد المرة دي كل ما اقول بقيت كويسة بلقا الموضوع مستفحل
وش داخل غلط شديد

تنبوشة
02-23-2012, 04:31 AM
صباح الخير يا حلوات

كيف اصبحتو
نعسااااااااااانه من صباح الله خير
:cry:

وضاحة
02-23-2012, 04:39 AM
دا اكيد دلالة على الوحم





الفيروسات العندك دي بتتوحم حتتوالد وتتكاثر
يبقى اكيد مرض مزمن

تنبوشة
02-23-2012, 04:40 AM
تنبش لا لا انا ما زي اخت عود صندلك

بقلق لكن ما لدرجه اني اشيل دم كل شهر

الدم من السابع فما فوق

اما قبل ذلك التراساوند شهري مع دكتورتي
واطمئن علي النبض والبيبي والمويه
واغير الحبوب وهكذا

ههههههههههههههههههههههه
اخت عود صندلي دي تحفة فنيه
الله يحفظها

ما بعرف غايتو
بس ياهو انا كل فتره يطبظوني قاطعين قلبي
:(



تنبش النكته فظيعه
:lgr::lgr::lgr:
:lgr:


هههههههههههههههههههههههههههههههههههه

ان شاء الله دايما مبسوطه

الفحوصات دي من البداية دخلت فلمها ومابخاف منها
تدخل الحقنة تقولي دخلتها في مرتبه احساس مافي ولابمرمش
زوجي قال لي ماممكن كدا ادلعي شوية ...ابكي مثلا
لا لا لا
احرجتينا شديييييييييييييييييييد
:fgt:


ازيكم طولتا ما كتبتا يومياتي

التعب التعب ما بيروح
الالتهاب دة قاسي شديد المرة دي كل ما اقول بقيت كويسة بلقا الموضوع مستفحل
وش داخل غلط شديد



احيييييييييييييييييييييييييييي يا قلبي البقي شيا
:Hit:

وضاحة
02-23-2012, 04:40 AM
صباح الخير يا حلوات


كيف اصبحتو
نعسااااااااااانه من صباح الله خير

:cry:



المصحيك شنو:Hit:

تنبوشة
02-23-2012, 04:43 AM
المصحيك شنو:Hit:


المعايش جباااااااااااااااره
:cry:

تنبوشة
02-23-2012, 04:58 AM
تعالو اونسكم
طبعا اخيرا مشيت افتش لي هدوم حمل
اها يا فرد طبعا ما في كرشه كدي يقولو عليها
بس العائق دايما وابدا ,,,,,,,,,الطول هع هع هع هع

اها اي بنطلون اشيلو وامشي اقيسو القى ليك مقصر
بس باب حمام
:lgr:

واخيرا مشيت ماكس لقيت لي بنطلونين كدي غايتو بمشو الحال
كمان الواحد مع الشغل ,,,لازم كل يوم يتلبس ويمرق
اوفففففففففففف
قلتا بعد يومين امشي اخيت لي شوالين كده واحد بني واحد اسود عشان ادعك بيهم في الشغل
والبنطلونين ديل للمرقات

:lb:

أم آلاء
02-23-2012, 09:05 AM
ازيييييييييييييييكم يا الفوق

ان شاء الله كويسين الليله

طبعا يا وضاحه اختك لاحقاك

في الحقنه معنو بلقو العرق بعد يدخلو ويطلعوا الف مره لكن ولا صوت ما بيطلع مني
هههههههههههه


تنبش بالجد اخت عود صندلك الله يديها العافيه


نعنع ربنا يشفيك اكيد داخله غلط


تنبووشه انا طويله لكن بلقي مقاسي وي وي وي

انتي طولك كم

وبعدداك بجي اوريك طولي كم :)

تتهنئي بيهم يا غاليه

ضحكتني شوالين دي
ههههههههههههههههه

تنبوشة
02-23-2012, 09:29 AM
ازيييييييييييييييكم يا الفوق

ان شاء الله كويسين الليله

طبعا يا وضاحه اختك لاحقاك

في الحقنه معنو بلقو العرق بعد يدخلو ويطلعوا الف مره لكن ولا صوت ما بيطلع مني
هههههههههههه


تنبش بالجد اخت عود صندلك الله يديها العافيه


نعنع ربنا يشفيك اكيد داخله غلط


تنبووشه انا طويله لكن بلقي مقاسي وي وي وي

انتي طولك كم

وبعدداك بجي اوريك طولي كم :)

تتهنئي بيهم يا غاليه

ضحكتني شوالين دي
ههههههههههههههههه



ويعافيك يا عسل

اما الحقن وفحص الدم عندي بكون عباره عن حفله فاهمه
:cry:

وطولي يا عسل 181 سم
قولي ماشاء الله

قال ما بقول ليك الا انتي تقولي
وقال بتلقى مقاسها قال
:mad:
عالم قصيره
:lol:

أم آلاء
02-23-2012, 10:14 AM
حقنه الدم ساهله ياخ

او ايمكن انا من صغيره بفضل علاج الحقن من الادويه والحبوب

اها ما شاء الله تبارك الله

لكن انا طولي 174 يعني ما قصيره
ههههههههههههههههههههههههههههه

تنبوشة
02-23-2012, 10:30 AM
حقنه الدم ساهله ياخ

او ايمكن انا من صغيره بفضل علاج الحقن من الادويه والحبوب

اها ما شاء الله تبارك الله

لكن انا طولي 174 يعني ما قصيره
ههههههههههههههههههههههههههههه


:lgr::lgr:
قصييييييره هع هع هع



مره لقينا وحده طوييييييييييييله انا وامي
لابسه بنطلون ولابسه بوت
امي قالت لي خلاص البسي زيها
تمي باقي البنطلون بوت
هههههههههههههه

أم آلاء
02-23-2012, 10:35 AM
:mad::mad:

منو القصير
هووووووووووووووي وتاني هوي

انا طويله

عجبتني قصه البوت التامه بيهو البنطلون فكره برضو
هههههههههههههههههههههه

تنبوشة
02-23-2012, 11:18 AM
:mad::mad:

منو القصير
هووووووووووووووي وتاني هوي

انا طويله

عجبتني قصه البوت التامه بيهو البنطلون فكره برضو
هههههههههههههههههههههه


اتخيلتي المنظر موش
:Hit:

أم آلاء
02-23-2012, 12:07 PM
اتخيلتي المنظر موش
:Hit:


:lgr::lgr::lgr::lgr:

وضاحة
02-23-2012, 12:55 PM
تنبوشة الخميس مامأجزين

فعلا ماكس فيه حاجات حلوة اشتريت منه للمرقات والدوام عبايات بس ماعندى لخلاق اتبط كل يوم


ام الاء اخبارك واحوالك ياختي طلعنا قصار مع المرا دي

بنت النيل
02-23-2012, 04:55 PM
كيفكم يا كروشات
اموركم واحوالكم

تنبش يا فردة اخبارك والله مشتاقييييييين جد جدجد

اها انا معاكم هنا باعتبار ما سأكون باذن الله

أم آلاء
02-23-2012, 05:03 PM
بخير الحمدلله مش كده ما شاء الله عليها

طلعت طويله ربنا يحفظها



بنت النيل ان شااااااء الله يا رب قرررررررريب تلحقينا قولي امين :)

reery
02-24-2012, 09:36 AM
خليكم من الطول وركزو هنا



http://www.sabayagazine.com/wp-content/uploads/2012/02/pergenant.jpg (http://www.almraah.com/?attachment_id=56392)

تعتبر فترة الحمل من الفترات المهمة جدا في حياة المرأة , لذلك عليك الاهتمام والعناية الجيدة لكل شيء , سواء بالأكل أو العناية بجسمك في هذه الفترة , ولكن يجب أن تحذرين من استخدام بعض منتجات التجميل في هذه الفترة , لأنها ربما تحتوي على بعض السموم القوية التي تشق طريقها بالجلد وتدخل مجرى الدم وتؤثر على نمو جنينك, لذلك إليك بعض منتجات التجميل التي يجب تجنبها خلال فترة الحمل.
أدوية علاج حب الشباب لأنها ممكن أن تسبب تشوهات خلقية كبير بالجنين ,وكذلك علاج تقدم السن مثل أحماض Retinols, and Salicylicلأنها تحتوي على فيتامين “أ” الذي قد يكون ضار للجنين.
المنتجات ذات الرائحة الكريهة ,مثل غسول الجسم والعطور التي تحتوي علة مواد كيميائية والتي يكون لها تأثير سام على الحمل , فيجب تجنبها في هذه الفترة.
منتجات تبيض وتفتيح البشرة لأن منتجات تفتيح البشرة تحتوي على مواد كيميائية تسمى الهيدروكينون أو الجلوتاثيون التي تستخدم لتبييض البشرة, التي تؤثر على الإنزيمات الموجودة في الجسم التي تنتج مادة الميلانين، وبالتالي تؤدي إلى عرقلة عملية النمو الطبيعية اللازمة لطفلك. وبالإضافة إلى ذلك، قد تكون هذه العناصر تسبب الحساسية لدى بعض الناس، وينبغي تجنبها أثناء الحمل أو الرضاعة الطبيعية.
مستحضرات العناية بالأظافر ,لان المنتجات الكيميائية الموجودة في طلاء الأظافر قد تؤثر على الجنين وربما تؤدي إلى موته أو ظهور بعض العيوب الخلقية




حمانا الله واياكم




الطول عز:hpy:




برضو من ايميلي

وضاحة
02-25-2012, 05:37 AM
هوووووووووووووووي الحوووووووووووووووني بسرعة

في خطوط حمراء في بطني دي شنو؟؟؟ دي ياها البقولو عليها الاسترتش مارك ولا شي تاني

أم آلاء
02-25-2012, 07:39 AM
يسلم لينا ايميلك يا ريري :)





وضاحه خطوط حمراء ؟؟؟

ايمكن البطن مشدوده فبيظهر ليك كده انتي بتمسحيها بي حاجه ؟
انا بمسحها بزيت زيتون

وضاحة
02-25-2012, 08:16 AM
ماقاعده امسحها بشي
خلاص بمشي على زيت الزيتون

نعناعة
02-25-2012, 09:58 AM
دة الطفل قاعد يخربش فيك

:heh:

بنت النيل
02-25-2012, 12:39 PM
بخير الحمدلله مش كده ما شاء الله عليها

طلعت طويله ربنا يحفظها



بنت النيل ان شااااااء الله يا رب قرررررررريب تلحقينا قولي امين :)

امييييييييييييييين يارب العالمييييين


تسسسسسسسلمي
:Rose:

بنت النيل
02-25-2012, 12:42 PM
بخير الحمدلله مش كده ما شاء الله عليها

طلعت طويله ربنا يحفظها



بنت النيل ان شااااااء الله يا رب قرررررررريب تلحقينا قولي امين :)

اميييييييييين يارب العالمييييين

تسسسسسلمي :Rose:

أم آلاء
02-26-2012, 03:16 AM
دة الطفل قاعد يخربش فيك

:heh:




:lgr::lgr::lgr::lgr:

أم آلاء
02-26-2012, 03:17 AM
اميييييييييين يارب العالمييييين

تسسسسسلمي :rose:

الله يسلمك يا عسل

ويديك ما تتمنيييييين قريبا :)ان شاء الله

تنبوشة
02-26-2012, 04:38 AM
مشتاقييييييييييييييييييييييييين
شديد

كيفكم واخباركم


وكيف مع الاجواء العجيبه
:o

اشوف الفاتني واجيكم

تنبوشة
02-26-2012, 04:43 AM
تنبوشة الخميس مامأجزين

فعلا ماكس فيه حاجات حلوة اشتريت منه للمرقات والدوام عبايات بس ماعندى لخلاق اتبط كل يوم


ام الاء اخبارك واحوالك ياختي طلعنا قصار مع المرا دي

وضحضح يا قصيره هع هع هع
بناجز الجمعه والسبت يا فرده

وفعلا ماكس فيهو بلوزات ظريفه
وبيني وبينك انا العبايه دي ما تبعي ,,,,بس بمش على الخياطيب اخيط لي شوالين كدي
واحد بني واحد اسود
وابقى محشوره فيهم
لانو بالجد حكايه التظبيطه دي كل يوم صعععععععععععبه
:(


كيفكم يا كروشات
اموركم واحوالكم

تنبش يا فردة اخبارك والله مشتاقييييييين جد جدجد

اها انا معاكم هنا باعتبار ما سأكون باذن الله


هلا هلا هلا
شرفتي

بس انتي منو
:fgt:

وان شا ءالله تكوني معانا وقريييييييييييب باذن الله

تنبوشة
02-26-2012, 04:49 AM
هوووووووووووووووي الحوووووووووووووووني بسرعة

في خطوط حمراء في بطني دي شنو؟؟؟ دي ياها البقولو عليها الاسترتش مارك ولا شي تاني

خير يا فرده في شنو
اي شي متوقع يا حلوة ما تنخلعي شديد كده
بس انتي اهم شي ما تحكيها بصابعك
لو حرقتك شديد حكيها بحركه دائريه براحة يدك
عشان ما تعلم


فهمتي حاجه هع هع
:p




وضاحه خطوط حمراء ؟؟؟

ايمكن البطن مشدوده فبيظهر ليك كده انتي بتمسحيها بي حاجه ؟
انا بمسحها بزيت زيتون

اجل اجل اجل
انا شاطره موش
ما بمسحها بزيت زيتون
بس انا بمسح جسمي كلو بزيت اللوز بتاع الجسم

:gf:

ماقاعده امسحها بشي
خلاص بمشي على زيت الزيتون

طوالي يا فرده



دة الطفل قاعد يخربش فيك


:heh:


:heh:

تنبوشة
02-26-2012, 04:52 AM
ريري
مع انو ايميلك ضارب
بس مره مره بنفع
و قلنا نشكرك على الجهود البذوله
هع هع هع



http://www.sadmuffin.net/cherrybam/graphics/comments-thank-you/thank-you019.gif

وضاحة
02-26-2012, 05:06 AM
دة الطفل قاعد يخربش فيك

:heh:


:2a:
عقبال مايطلع ويخربشك


وضحضح يا قصيره هع هع هع
بناجز الجمعه والسبت يا فرده

وفعلا ماكس فيهو بلوزات ظريفه
وبيني وبينك انا العبايه دي ما تبعي ,,,,بس بمش على الخياطيب اخيط لي شوالين كدي
واحد بني واحد اسود
وابقى محشوره فيهم
لانو بالجد حكايه التظبيطه دي كل يوم صعععععععععععبه
:(


كل شي ولا الظبط مابطيقها نهاااااااااااااائي والله العباية مريحة راحة

تنبوشة
02-26-2012, 05:07 AM
كل شي ولا الظبط مابطيقها نهاااااااااااااائي والله العباية مريحة راحة

اجل اجل اجل
:lb:

تنبوشة
02-26-2012, 05:10 AM
اليوم عندي التراساوند اسكان

:hpy:

بنبسط بيهو شديد
وكل مره باخد صوره معاي
عندي هس تلاته صور للبيبي
:lol:

وبكره بقابل عمو الراجل الدكتور
بإذن الله
:gf:

وضاحة
02-26-2012, 07:11 AM
تنبوشة قبلي تعدي مرحلتها اعملي الثري دي قالو حلوة شديد وكان نفسي فيها بس راحت عن بالي
بدوك صورة ثلاثية الابعاد للبيبي وبالالوان لكن لما البيبي يكبر مابتنفع

تنبوشة
02-26-2012, 08:02 AM
تنبوشة قبلي تعدي مرحلتها اعملي الثري دي قالو حلوة شديد وكان نفسي فيها بس راحت عن بالي
بدوك صورة ثلاثية الابعاد للبيبي وبالالوان لكن لما البيبي يكبر مابتنفع


ايوة يا عسل
دي هس ماشا عليها

:lal:

وضاحة
02-26-2012, 09:26 AM
عليك الله رسلي لي الصورة اشوفها

أم آلاء
02-26-2012, 09:34 AM
وضاحه انتي ما قاعده تعملي الترا ساوند ؟؟؟

دي اجمل شئ وانك تحتفظي بصور البيبي

عارفه انا من اول شهر شهري بعملها وعندي صور كتييييييييره محتفظه بيها



تنبش تعالي احكي لينا التفاصيل


الليله حأفتح ملف في المستشفي ان شاء الله :(

تنبوشة
02-27-2012, 04:51 AM
ازيكم يا حلوات

اطمنكم امس المقابله كانت ظريفه شديد ,,,,طبعا الدكتور استشاري هو البعمل لي الموجات الصوتيه وسوداني طبعا
وكان معاي عود صندلي
فالونسه والضحك كان اكتر من الشرح العلمي
هههههههههههههههههههه

بس الحمد لله البيبي بخير وكلو تمام
الحمد لله
طبعا من البدايه قلتا ليهو عايزه صوره ,,,والزوج ما عايز يعرف نوع الجنين
قعد يضحك ضحك مبالغ فيهو ,,,وقال لي انا زاتي مع الزوج

واتفرجنا في البيبي وهو بتحرك وبفتح خشمو ويطلع لسانو
طبعا انا فاهمه نوعا ما
والزوج يا حليلو لا يفقه شي
وانا مستلماه شوف وشوف
وكذلك الدكتور

وبس الحمد لله

ويا وضحضح
برسل ليك الصوره في الموبايل لاحقا
بس بعد ما ترسلي لي القروش باليورو
على حسابي بتاع سويسرا
هع هع هع
:lgr:

أم آلاء
02-27-2012, 08:07 AM
انا لمن عملته اخر موجات كنته خاته يدي في راسي بالجنبه كده وبتفرج

ونفس منظرك وزوجي ما فاهم حاجه

وانا اتونس مع الدكتوره عايني وش البيبي
وهي تقول لي عايني البيبي خاتي يدوا في وشوا زيك
ههههههههههههههههههههه

منظر جميل شدييييييد بحب الالتراساوند انا

تمام يا تنبش ربنا يتم ليك بالسلامه
ويديك الساعه الهينه يا رب انتي ووضحضح وشخصي الضعيف وكل الحوامل
ويرزق الجمييييييع قريبا يا رب العالمين :)

تنبوشة
02-27-2012, 10:42 AM
اللهم آميييييييييييين يا ام الاء
جمعا يارب

أم آلاء
02-27-2012, 11:07 AM
امييييييييييييييين يا غاليه


وييييييييين وضاحه

خبرك شنو يا بت وكيف البيبي وصحتك

نعناعة
02-27-2012, 11:13 AM
هلا انا تمام بقيت الحمد لله

هع

أم آلاء
02-27-2012, 11:19 AM
حمدلله علي السلامه

جبتي شنو

ولد ولا بت
ههههههههههههههههههههه

نعناعة
02-27-2012, 01:05 PM
تؤام يا انتي خلودي و جودي

ام عبدالرحمن
02-27-2012, 01:46 PM
ههههههههه قايتو البت دي الله يدينا خيرها

عقبال الحلل الساهل ياحروم

أم آلاء
02-27-2012, 04:16 PM
تؤام يا انتي خلودي و جودي

ما شاء الله يتربوا في عزك يا نعنع


:fgt:


:cl:

أم آلاء
02-27-2012, 04:19 PM
ههههههههه قايتو البت دي الله يدينا خيرها

عقبال الحلل الساهل ياحروم

بنات اخر زمن

الله يدينا خيرهم يا رب


اللهم امييييييييييييين يا رب تسلمي يا غاليه

تنبوشة
02-28-2012, 04:31 AM
ازيكم يا كروشات
شوق السنين يا فرد

هاكم النكتة دي

مسطول شاف صبار
قال ليهو
يا خيار يا متوحش
هع هع هع


دقيقه اشوف الفاتني واجيكم
:lol:

وضاحة
02-28-2012, 06:11 AM
وضاحه انتي ما قاعده تعملي الترا ساوند ؟؟؟

دي اجمل شئ وانك تحتفظي بصور البيبي

عارفه انا من اول شهر شهري بعملها وعندي صور كتييييييييره محتفظه بيها



تنبش تعالي احكي لينا التفاصيل


الليله حأفتح ملف في المستشفي ان شاء الله :(

ازيكم ياكروشات مشتاقين

يامرا قاعدة اعمل الترا ساوند وعندي الصور بس القلتها للمرا دي غيييير بالألوان وواااااااضحة شديد


اها الملف دا حكايتو شنو ومالك زعلانة

تنبوشة
02-28-2012, 09:12 AM
هلا انا تمام بقيت الحمد لله



هع



تؤام يا انتي خلودي و جودي


:lgr::lgr::lgr:

مبااااااااااااااااااااااااالغه
يا فلانه




ههههههههه قايتو البت دي الله يدينا خيرها

عقبال الحلل الساهل ياحروم

اللهم آميييييييييييييييييييييين

ازيكم ياكروشات مشتاقين

يامرا قاعدة اعمل الترا ساوند وعندي الصور بس القلتها للمرا دي غيييير بالألوان وواااااااضحة شديد


اها الملف دا حكايتو شنو ومالك زعلانة


يا حلوة الصوره دي عندنا هنا في قطر الهنا دي
بس للاسف قال لي الدكتور ما عندنا برنت اوت ملونه
اتخيلي
قربت انط في راسو ده اعضيهو
بس في التلفزيون شفناهو
شفناهوووووووووووو
وحاول يخفي نفسو وهل يخفى القمر في سماه

جب جب جب

تنبوشة
02-28-2012, 09:16 AM
ام ألاء
المستشفى مشكلتها شنو معاك
الانتظار هع هع هع

أم آلاء
02-28-2012, 09:28 AM
اهااااا وضحت يا عسل طيب الصوره الملونه دي عملتها برضو :)

اها المستشفي ما بحب قعاد المستشفيات والكشف


والانتظار ومعاي العيال غايتو الله يسهلها بس الكويس انها مره في الشهر

والمواعيد الاولي لي معاهم يوم كم وعشرين 3 ربنا يسهل

ام البنات
02-28-2012, 02:14 PM
الاسباب البتخلي الواحده تولد قيصري

اذا كان الجنين جاي بالعرض

اذا كان ضغط الام مرتفع او السكر

اذا كان الحبل السري ملفوف بس في دكاتره سمعته انهم بفكوهوا كيف ما عارفه

اذا كان نبض الجنين قله

اذا كان حوض الام ضيق

وكان اتزكرته حاجه بجي اقولها

واذا كان البيبي عنيييد وراسو قوي و اطلع فووووق بعد ما كان تحت في الحوض من الشهر الخامس زي تلتله الله يهديها لي:cry:

تنبوشة
02-29-2012, 04:28 AM
صباحكم سكر يا ناس يا نايمه
:noo:

وضاحة
02-29-2012, 05:35 AM
صباح النور

اسمعو ملابس النونو بغسلوها بشنو ؟؟؟مش الصابون العادي دا مابنفع ؟؟بس مالاقاني صابون مخصوص ليهم


اسمعو اهم شي في المستشفى الحتولدي فيهو شنو ؟؟؟

النحكي ليكم حيرتي


انا بتابع مع دكتورة شاطرة شديد ومعروفة بس المستشفى ماخالص

والدكتورة البديت معاها اول ماحبيتها بس العناية عندهم رهيبة ونضافة شديدة فكرت ارجع ليها

طبعا الاتنين ديل خاص وابوي مصر اولد في السلطاني الحكومي بقولو امان اكتر

وانا مادايرة اغير الدكتورة بعد ماعرفتها وارتحت ليها وتابعتني الفترة دي كلها

دا غير انه السلطاني مابالساهل القى فيه غرفة خاصة قالو الولادة عندهم مابتقيف دقيقة ماشاءالله

اها كان فهمتو الحجوة دي رسوني على بر

وضاحة
02-29-2012, 05:36 AM
واذا كان البيبي عنيييد وراسو قوي و اطلع فووووق بعد ما كان تحت في الحوض من الشهر الخامس زي تلتله الله يهديها لي:cry:
غايتو تلتة شايلين حالها شيله :Hit:

تنبوشة
02-29-2012, 09:16 AM
ام البنات
رشفتي الحوش
وربنا يحفظها ويخليها
وعجبتني جدا الاثبتت وجودها دي من قولة تيت
ههع هع هع هع


:lal:



وضحضح
الله يعينك يا فرده
صراحه قطر فيها مستشفى واحد حكومي,,,,وفيها مستشفيات كتيره خاصه ,,,,بس الحكومي ده فيو احسن فاسلتي في البلد
ولو حصل اي شي في المستشفى الخاص بنقلو المريض للحكومي
فمن الناحيه دي مرتاحه انا

اما بخصوص الصابون لهدوم البيبي
بحول السعال لنعناعة
:lgr:

أم آلاء
02-29-2012, 09:49 AM
ام البنات تلتله الله يديها العافيه ويهديها ليك غيري دلعها حتتغير
هههههههههههههههه


تنبش صباحك ورد معطر :)


وضحضح الحته الارتحتي فيها اولدي فيها ما شرط حكومي ولا خاص

انا بولد في خاص بس لاول مره حاولد في حكومي لكن لا يفرق عن الخاص في شئ نظافه رعايه اهتمام وكلو الحمدلله

الصابون انا لاقاني صابون مخصص للبيبي هنا ما عارفه عندكم ولا لا

تنبوشة
03-01-2012, 05:29 AM
صباح الحب على احلى كروشات

كيفكم وكيف عاملين مع دافوري الكور
هع هع هع


بالمناسبه طبعا سكريني طلع مرتفع
هع هع هع

وقالو اعمل الفحص التاني البشربو فيهو مية مل من الجلكوز
ومن هس يع يع يع

وش حزين

أم آلاء
03-01-2012, 08:53 AM
صباحك ورد وياسمين

الف سلامه عليك

خففي من اكل السكريات

واكلي اكل صحي وبانتظام

وان شاء الله المره الجايه ما يظهر

الدافوري حدث ولا حرج :)

وضاحة
03-01-2012, 09:40 AM
ام البنات تلتله الله يديها العافيه ويهديها ليك غيري دلعها حتتغير
هههههههههههههههه


تنبش صباحك ورد معطر :)


وضحضح الحته الارتحتي فيها اولدي فيها ما شرط حكومي ولا خاص

انا بولد في خاص بس لاول مره حاولد في حكومي لكن لا يفرق عن الخاص في شئ نظافه رعايه اهتمام وكلو الحمدلله

الصابون انا لاقاني صابون مخصص للبيبي هنا ما عارفه عندكم ولا لا


حامش اعمل جولة تفتيشية للمستشفى البتابع فيه واشوف الغرف لو لقيت الوضع مطمن بتوكل واحست لي مع دكتورتي
لو ماكويس بمش على الحكومي

أم آلاء
03-01-2012, 09:51 AM
ايوه ممكن انا بي ولادتي بي رزه عملته كده والغرفه كانت كبييييييييييره عندها بابين باب للرجال خلفي وباب للنساء بجو علي حتته الرجال ما بيشوفوا النساء زي صالون كبيييييييير ومقسوم وفيها مطبخ وحمام

وخدمات ميه ميه

اهم شئ الراحه النفسيه للمكان وللدكتوره وربنا يديك الساعه الهينه والولاده السااااااااااااااهله يا رب العالمين

وضاحة
03-01-2012, 12:11 PM
صباح الحب على احلى كروشات


كيفكم وكيف عاملين مع دافوري الكور
هع هع هع


بالمناسبه طبعا سكريني طلع مرتفع
هع هع هع

وقالو اعمل الفحص التاني البشربو فيهو مية مل من الجلكوز
ومن هس يع يع يع


وش حزين




الف سلامة عليك ,,,حافظي ياعسل عشان مايزيد

الدفوري بحلى وقت الجوع والاجتماعات :d

ام مؤتمن
03-01-2012, 07:33 PM
انا ماكرشتا انا جيت اعاين بث :lb:

ايمان
03-01-2012, 07:54 PM
انا ماكرشتا انا جيت اعاين بث :lb:

.

.


.

.


.


.

:htey:

ام مؤتمن
03-01-2012, 08:04 PM
.

.


.

.


.


.

:htey:

انتى زاتك جيتى تعاينى :lol:

مشتااااااااااااااقين وكده :lv:

ايمان
03-01-2012, 08:12 PM
انتى زاتك جيتى تعاينى :lol:

مشتااااااااااااااقين وكده :lv:



لا انا كرشت :htey:



اكيد مشتاقين وكدا :cl:

وضاحة
03-02-2012, 06:40 AM
عندي وجع ضهر فظيع والبيبي امس كان شاديني شدة مبالغة

أم آلاء
03-02-2012, 07:54 AM
انا ماكرشتا انا جيت اعاين بث :lb:

:lgr::lgr::lgr::lgr:

:lol::lol::lol::lol:

أم آلاء
03-02-2012, 07:57 AM
عندي وجع ضهر فظيع والبيبي امس كان شاديني شدة مبالغة


شئ طبيعي يا وضاحه لانو انتي خلااااااص في الشهور الكبيره صاح ؟؟

وعلي ذلك الشغل والقعاد بيعمل وجع ظهر


بس كل ما تشد امسحيها واسترخي

واستغفري
وونسي البيبي بيكون زهجان منك ما بتتونسي معاو
هههههههههههههه

أم آلاء
03-02-2012, 08:06 AM
عندي وجع ضهر فظيع والبيبي امس كان شاديني شدة مبالغة


شئ طبيعي يا وضاحه لانو انتي خلااااااص في الشهور الكبيره صاح ؟؟

وعلي ذلك الشغل والقعاد بيعمل وجع ظهر


بس كل ما تشد امسحيها واسترخي

واستغفري
وونسي البيبي بيكون زهجان منك ما بتتونسي معاو
هههههههههههههه

نعناعة
03-02-2012, 12:49 PM
انا ماكرشتا انا جيت اعاين بث :lb:


:heh::heh::heh::heh:


في ال كم اعترفي سريع

تنبوشة
03-04-2012, 05:16 PM
الحروم المكرشات ,,,...وكذلك المارات والمتاوقات
ازيكم وخبركم شنو

دقيقه النشوف الفاتني واجيكم

تنبوشة
03-04-2012, 05:29 PM
صباحك ورد وياسمين



الف سلامه عليك

خففي من اكل السكريات

واكلي اكل صحي وبانتظام

وان شاء الله المره الجايه ما يظهر

الدافوري حدث ولا حرج


تسلمي لي يا عسل
صدقي ما باكل سكريات كتيره,,,,,بس ما تفهمي
يكون ده من باقي الاكل من رز وخبز
لكن سكر سكر ده ما تبعي
الله المستعان




الف سلامة عليك ,,,حافظي ياعسل عشان مايزيد

الدفوري بحلى وقت الجوع والاجتماعات :d

تسلمي يا وضحضح
على قول صحبتي ام عبد الرحيم كان بتذكريها في الحله التحت
قالت لي لو سمحتي ما تسمني لينا البيبي عشان لما يطلع بالسلامه ما يسحرو لينا
:lol:

صدقتي تمام في موضوع الدافوري ده
والذ شي بتغاتت على اخوي وصحبتي
كل ما اكون راقده جنبهم والبيبي يتحرك اول ما يختو يدينهم بلبد
هههههههههههههههههههههه
غايتو مستور مع ابوهو
لانو لو اتغاتت عليهو كان اتوفى
:lgr:

انا ماكرشتا انا جيت اعاين بث :lb:
ان شا ءالله تكرشي وتحصلينا يا عسل
مشتاقين شديد والله
شنو يعني الاختفاء ده
سمعتي ولا جابو ليك
اااووووع ت قولي لي طقش اضانك
:htey:
اظهري يا عسل وعلى قول نع نع اعترفي سريع
:lol:


.


.

:htey:

بركه الام مؤتمن الجابتك تمري علينا
غايتو جنس غايتو


عندي وجع ضهر فظيع والبيبي امس كان شاديني شدة مبالغة
سلامات يا عسل
ما تشوفي شي
ارتاحي واسترخي
وجع الضهر ما فايت اصلو كمان مع الشغل انتي
والشده ده غايتو ام الرزه ما قصرت معاك

بس بالمناسبه انا الشهر الخامس كلو ما حسيت بحركه
بس بليل كان بطني بشدني
اشيل واجبجبها بالزيت
هههههههههههههههههه




:heh::heh:




في ال كم اعترفي سريع


يا نع نع
اها بقيتي كيف
ما وريتينا آخر أخبارك
وبالمناسبه ارجعي الصفحات الورا حولت ليك سؤال,,,ابقى جاوبي
:lol:

تنبوشة
03-04-2012, 05:35 PM
وطبعا يا فرد
جاني لبن
كيف معاكم الحديث ده
:lgr:

جقلبت ليكم جقلبه كده عجيبه
وعندي رقم دكتوره بتاعت نسا وتوليد
اتصلت عليها وقالت لي عادي ما تشيلي هم
واتوقع انو حاجه بسيطه بس اخدي احطيطاتك

طوالي ختيت في بالي
انو بما اني مشاتره في اي شي
احتمال الولاده تكون بدري جدا او تكون متاخره جدا
لانو ده في حد زاتو شتاره
ههههههههههههههههههههه

وجبت ورقه وقلم وكتبت الحاجات الناقصاني
وعملت تلفوناتي
لامل اختي وبت عمي
انو يقومو يمشو يفتشو لي الحاجات
غايتو يضحكو ساي
ومرات يسبو فيني وينعلو
بس ما عندهم اي حل
:lol:

نعناعة
03-04-2012, 07:40 PM
يا نع نع
اها بقيتي كيف
ما وريتينا آخر أخبارك
وبالمناسبه ارجعي الصفحات الورا حولت ليك سؤال,,,ابقى جاوبي
:lol:



والله يا تنبش انا قهرت كل قوانين الطب و جيت اقول ليكم الالتهاب رجع تاني في اقل من اسبوعين بعد ما شفيت تماما
انا خطيرة ،،،، الزيي منو:hpy: ماشة اكوس السوعال

أم آلاء
03-05-2012, 03:27 AM
وطبعا يا فرد
جاني لبن
كيف معاكم الحديث ده
:lgr:

جقلبت ليكم جقلبه كده عجيبه
وعندي رقم دكتوره بتاعت نسا وتوليد
اتصلت عليها وقالت لي عادي ما تشيلي هم
واتوقع انو حاجه بسيطه بس اخدي احطيطاتك

طوالي ختيت في بالي
انو بما اني مشاتره في اي شي
احتمال الولاده تكون بدري جدا او تكون متاخره جدا
لانو ده في حد زاتو شتاره
ههههههههههههههههههههه

وجبت ورقه وقلم وكتبت الحاجات الناقصاني
وعملت تلفوناتي
لامل اختي وبت عمي
انو يقومو يمشو يفتشو لي الحاجات
غايتو يضحكو ساي
ومرات يسبو فيني وينعلو
بس ما عندهم اي حل
:lol:



:lgr::lgr::lgr::lgr:

زكرتيني لمن كنته حامل بي بتي الكبيره

هههههههه

عادي يا بت عادي

لا في ولاده بدري ولا متأخره الولاده بي زمنها بس :)



بالنسبه للسكر والله يا غاليه الله يديك العافيه ويا رب الفحص الجاي ما يظهر

وضاحة
03-05-2012, 05:27 AM
شئ طبيعي يا وضاحه لانو انتي خلااااااص في الشهور الكبيره صاح ؟؟

وعلي ذلك الشغل والقعاد بيعمل وجع ظهر


بس كل ما تشد امسحيها واسترخي

واستغفري
وونسي البيبي بيكون زهجان منك ما بتتونسي معاو
هههههههههههههه

يابتي دا بكون زهجان من النقة بقول المرا دي متين تسكت تخلينا ننوم
طبعا لو هدأـ شوية ماتحرك بتجنن تلقيني اليوم كله الكز فيه واطربق :lol:

اول امس كنت عند الدكتورة والحمدلله طمنتني ووجع الضهر قالت لي عادي ...بس ضغطي مرتفع شوية ماكتير

وضاحة
03-05-2012, 05:41 AM
صدقتي تمام في موضوع الدافوري ده
والذ شي بتغاتت على اخوي وصحبتي
كل ما اكون راقده جنبهم والبيبي يتحرك اول ما يختو يدينهم بلبد
هههههههههههههههههههههه
غايتو مستور مع ابوهو
لانو لو اتغاتت عليهو كان اتوفى


عارفة انا حقي دا اتخيل لي انه لما يطلع امي حتكفتو :lol:يكون افرفر فرفرة من العيار التقيل من تهبشة يلبد تزح يدها يتحرك :lgr: غايتو امس ادها خبيطة صغيرونة ترضية
وابوهو برضو مامستور معاهو بعمل ليهو حركات استهبال مرات وانا مبسوطة طبعا :heh:

أم آلاء
03-05-2012, 10:26 AM
يابتي دا بكون زهجان من النقة بقول المرا دي متين تسكت تخلينا ننوم
طبعا لو هدأـ شوية ماتحرك بتجنن تلقيني اليوم كله الكز فيه واطربق :lol:

اول امس كنت عند الدكتورة والحمدلله طمنتني ووجع الضهر قالت لي عادي ...بس ضغطي مرتفع شوية ماكتير

طبعا يا وضاحه انا بي الاء بتونس معاها من جوه بطني بصوره خرافيه

ولمن ولدته وهي بيبي من عمر يوم بتوننس معاها زي الزول الكبير ماما

قالت لي خلاص جنيتي
ههههههههههههههههههه

أم آلاء
03-05-2012, 10:28 AM
ايوه وجع الظهر شئ طبيعي الضغط قالت ليك سببو شنو ؟؟

بتأكلي حوداق كتييييييير ولا شنو

ايمكن ارهاق مع الشغل وكده برضو بيرفع الضغط ريحي رووووووووووحك

وان شاء الله كلوا خير :)

تنبوشة
03-05-2012, 03:57 PM
ازيكم يا كروشات
مشتاقين والله

بقيت ما بلاقيكم اون لاين كتير

تنبوشة
03-05-2012, 04:06 PM
والله يا تنبش انا قهرت كل قوانين الطب و جيت اقول ليكم الالتهاب رجع تاني في اقل من اسبوعين بعد ما شفيت تماما


انا خطيرة ،،،، الزيي منو:hpy: ماشة اكوس السوعال


هلا بالنعناع
سلامتك يا فرده
وشكلك ما تميتي العلاج الفات عشان كده رجع تاني
المهم اكلي برتقال كتير واشربي سواخن
عشان ما تنتكسي تاني وتساعدي روحك

وانتي كان في منك اتنين,,,,,, كان البلد خربت
:lol:



:lgr:



زكرتيني لمن كنته حامل بي بتي الكبيره

هههههههه

عادي يا بت عادي

لا في ولاده بدري ولا متأخره الولاده بي زمنها بس :)



بالنسبه للسكر والله يا غاليه الله يديك العافيه ويا رب الفحص الجاي ما يظهر


ما اصلو البكر عوير
وانا معترفه
هع هع هع
اوع تجي وضاحه هس تقشط فيني كف
:lgr:

وان شا ءالله يا عسل
السكر ما يظهر
وان شاء الله الفحص يتم على خير
حيشيلو دم كل ساعه ولمدة تلاته ساعات
احيييييييييييييي يا قلبي البقا شيا
يا يدي البقت غربال
:o
[/CENTER]
عارفة انا حقي دا اتخيل لي انه لما يطلع امي حتكفتو :lol:يكون افرفر فرفرة من العيار التقيل من تهبشة يلبد تزح يدها يتحرك :lgr: غايتو امس ادها خبيطة صغيرونة ترضية
وابوهو برضو مامستور معاهو بعمل ليهو حركات استهبال مرات وانا مبسوطة طبعا :heh:

ربنا يحفظهم ويصلو بالسلامه يارب العالمين
غايتو حقت الابو دي حاره اتخيل لي
ولا عشان بتخيل الموضوع ده في عود صندلي ما عارفه
ههههههههههههههههه
:D

سمراء النيل
03-05-2012, 06:13 PM
كروشات خبركم

مطوله منكم قلت اطل عليكم

وضاحة
03-06-2012, 05:18 AM
وطبعا يا فرد
جاني لبن
كيف معاكم الحديث ده
:lgr:

جقلبت ليكم جقلبه كده عجيبه
وعندي رقم دكتوره بتاعت نسا وتوليد
اتصلت عليها وقالت لي عادي ما تشيلي هم
واتوقع انو حاجه بسيطه بس اخدي احطيطاتك

طوالي ختيت في بالي
انو بما اني مشاتره في اي شي
احتمال الولاده تكون بدري جدا او تكون متاخره جدا
لانو ده في حد زاتو شتاره
ههههههههههههههههههههه

وجبت ورقه وقلم وكتبت الحاجات الناقصاني
وعملت تلفوناتي
لامل اختي وبت عمي
انو يقومو يمشو يفتشو لي الحاجات
غايتو يضحكو ساي
ومرات يسبو فيني وينعلو
بس ما عندهم اي حل
:lol:

هههههههههههههههههههههههههه
انا بتجيني رسالة بيبي سنتر كل اسبوع اها قبل اسبوعين ولا تلاتة قال لي لقد بدأت الان بتكوين الحليب
مافي داعي اقول عملت شنو :lol::lol:

اها بالنسبة للولادة البدري دي نففففس احساسي وجهزت ملابسي وفتحت الداير فتيح والتياب الجديدة طقيتها وغسلتهم وكويتهم باقي ادخلهم في الشنطة
وملابس البيبي لسة بفتش على الصابون بتاعو مالاقية
جبت تقريبا كل الملابس ومنتجات جونسون باقي لي البامبرز
مستعجلة صاح :hpy:

امل
03-06-2012, 08:55 AM
ازيكم ياحلوات
ربنا احلكم بالسلامه يارب
واديكم الساعه الساهل قولو امين:lv:

تنبوشة
03-06-2012, 10:33 AM
ازيكم يا حلوات

شايفه عندنا ضيوف
:hpy:

أم آلاء
03-06-2012, 10:44 AM
اهلييييييييييييييين سموره منوره التجمع

امل اللهم امييييييييييييييييين تسلمي يا غاليه

وضاحه ورينا عملتي شنو
هههههههههههههههههههه

تنبش الضييوف منورييييييييييين التجمع :)

كيف اصبحتي الليله

تنبوشة
03-06-2012, 10:46 AM
كروشات خبركم

مطوله منكم قلت اطل عليكم


هلا هلا
سموره
كيف يا عسل
وتسلمي على الطلة


هههههههههههههههههههههههههه
انا بتجيني رسالة بيبي سنتر كل اسبوع اها قبل اسبوعين ولا تلاتة قال لي لقد بدأت الان بتكوين الحليب
مافي داعي اقول عملت شنو :lol::lol:

اها بالنسبة للولادة البدري دي نففففس احساسي وجهزت ملابسي وفتحت الداير فتيح والتياب الجديدة طقيتها وغسلتهم وكويتهم باقي ادخلهم في الشنطة
وملابس البيبي لسة بفتش على الصابون بتاعو مالاقية
جبت تقريبا كل الملابس ومنتجات جونسون باقي لي البامبرز
مستعجلة صاح :hpy:

خطييييييييييييره يا فردة
ما شاء الله
عقبالي
لكن انتي موضوع الصابون ده جبتي من وين
وسمح ناس جونسن ديل ما عندهم
:lb:
وبالنسبه لبيبي سنتر
انا برضو هناك بتنبوشه
هع هع

لكن بالله بالجنبه كده عملتي
:lol:



ازيكم ياحلوات

ربنا احلكم بالسلامه يارب

واديكم الساعه الساهل قولو امين:lv:


آميييييييييييييييييييييييييييين يا سسترتي

نعناعة
03-06-2012, 12:59 PM
يا تننبش السؤال وينو ما لقيتو

هند الفاتح
03-06-2012, 09:33 PM
غايتو تشهو الواحد في الولاده http://www.bentsudan.com/vb/images/smilies/rolleyes.gif

تنبوشة
03-07-2012, 05:07 AM
صباحكم سكر يا حلوات
كيف عاملات




تنبش الضييوف منورييييييييييين التجمع :)

كيف اصبحتي الليله

ام الاء يا فرده
الحمد لله الامور طيبه
ان شا ءالله دايما
بس البرد البرد


يا تننبش السؤال وينو ما لقيتو



وضحضح بتسال من النوع الكويس للصابون البغسلو بيهو هدوم الشفع
وده كان ردي

اما بخصوص الصابون لهدوم البيبي
بحول السعال لنعناعة
:lgr:


غايتو تشهو الواحد في الولاده :rolleyes:


حصلينيا سريييييييييييييييييييييييييييع
:lol:

وضاحة
03-07-2012, 05:17 AM
ابييييييييييييييييييييييييت مابوريكم

تنبوشة موضوع الصابون دا لاقاني في النت بس ماشفتو عند ناس جونسون بمش افتشو تاني


وكنت دايرة اقول حاجة تاني نسيتها

تنبوشة
03-07-2012, 05:39 AM
ابييييييييييييييييييييييييت مابوريكم

تنبوشة موضوع الصابون دا لاقاني في النت بس ماشفتو عند ناس جونسون بمش افتشو تاني


وكنت دايرة اقول حاجة تاني نسيتها



ههههههههههههههههههههه
حلوة ابيت ما بوريكم دي

غايتو جنس غايتو
:lol:



بالجد اول مره اسمع بالصابون المخصوص ده
بالله ورينا كان لقيتي شي وانا برضو بشوفو
وان شا ءالله ريري تجي تبحت لينا ايميلها يمكن تلقا شي
هع هع هع

وضاحة
03-07-2012, 07:56 AM
صاح اتزكرت كانت عاوزة اقول شنو
في معطر ملابس من داوني شفت دعايته امس اسمه داوني الحنون بالعدم لوم مالقيت الصابون بجيبو ان شاءالله

وضاحة
03-07-2012, 07:58 AM
ام الوية اخبارك شنو وعاملة كيف

تنبوشة عندك كرش ؟؟

وضاحة
03-07-2012, 08:01 AM
تنبوشة قالو اسم بيجون لغسل ملابس الاطفال

تنبوشة
03-07-2012, 09:14 AM
يا وضحضح
داوني الحنون ده ما ياهو المعطر صاح
برضو يعني ما صابون

و الكرشة حاصله بس على خفيف يعني
ما شديد


اها البيجون ده ما بعرف منها الا الصبغه
هع هع هع
:lgr:

وضاحة
03-07-2012, 10:03 AM
ياوهم قصدي المعطر يعني لو مالقيت الصابون بغسل بالعادي واتمهم بالمعطر

اها احكو اي شي ديل شنو الكروشات الكسلانات ديل

Nada karim
03-07-2012, 01:00 PM
يا كروشات
كيفنكم
كيف عاملين
الحاصل عليكم شنو

منار
03-07-2012, 01:04 PM
ربنا يحلكم بالسلامه كلكم

ويرزقكم الزريه الصالحه

نعناعة
03-07-2012, 02:05 PM
ههههههههههههههههههههههههههه تنبش من شدة ما ردك كيفني ما حاديك كف ههههههههههههههه وهم علي قولك

تنبوشة
03-08-2012, 09:29 AM
ازيكم يا حلوات
خبركم واحوالكم
والله بقى في تعب في الحركه والمشي
والقصص ماشا تصعب
غايتو بالجد كان الواحد ما خلص الايام دي تجهيزاتو
لقدام ما اظن يسوي شي
:fgt:




ياوهم قصدي المعطر يعني لو مالقيت الصابون بغسل بالعادي واتمهم بالمعطر

اها احكو اي شي ديل شنو الكروشات الكسلانات ديل

ههههههههههههههههههههه
سمح
امشي كتري المحلبيه للشافع ده
سوي ليهو حساسيه
اسم الله عليهو
:lol:

كسلانات براكم
ما ياني كل يوم بجي بطربق هنا
واكتب اي صغيره وكبيره
وشي نكت
وما ادراك
غايتو جنس غايتو
:lb:

يا كروشات
كيفنكم
كيف عاملين
الحاصل عليكم شنو
بخير يا عسل
انتي كيف مع تجهيزات المعرض
بالله الصور اول باول



ربنا يحلكم بالسلامه كلكم

ويرزقكم الزريه الصالحه

تسلمي يا عسل
وشرفتي التجمع والمنتدى


ههههههههههههههههههههههههههه تنبش من شدة ما ردك كيفني ما حاديك كف ههههههههههههههه وهم علي قولك


:lgr::lgr:

وضاحة
03-10-2012, 07:10 AM
دا شنو الخلا دا

ولدتن ولا شنو

وضاحة
03-10-2012, 07:15 AM
يا كروشات
كيفنكم
كيف عاملين
الحاصل عليكم شنو

الله يجيبك لينا ياندوش
الحمدلله بخير وعافية


ربنا يحلكم بالسلامه كلكم

ويرزقكم الزريه الصالحه
اميييييييييييييييييييييين يارب

أم آلاء
03-10-2012, 12:20 PM
انا الايام دي تعبااااااااااااااااانه والحمدلله


نعنع عادتني ومع الحمل والاستفراغ(عدم المؤاخذه ) رجع تاااااااااااني

زي الاول والحمدلله

انتو كييييييييييفكم مشتاقين والله

أم آلاء
03-10-2012, 05:20 PM
جبته ليكم نكته




مسطول فتح عياده كتب إعلان في الجريده :
"المريض بنعالجو ويدفع 100 جنيه وإذا م اتعالج نحن بندفع ليهو 200"
جاهو واحد نصاب، دفع 100 وقال للمسطول : انا ما بضوق طعم الاكل.!
المسطول قال للممرضة : جيبي لي العلبه رقم 22
جابتها ليهو قام دخل فيها معلقه و اداها للنصاب
النصاب:آآآآآآآآآآآآآآح دي شنو دي، شــــطة ؟!!
المسطول قال : مبرووووووك انت اسي كدا بتضوق 100% إتقهر النصاب ومشي
ورجع مره تانيه وقاليهو : انا فاقد الذاكره..؟

المسطول قال للممرضة : جيبي لي العلبه رقم 22

النصاب قاليهو : بس دي علبة الشطه..!
المسطول قاليهو : ألف مبرووووك الذاكرة رجعت ليك ^__^

رحاب
03-10-2012, 05:45 PM
ما عندي كروشه بس جيت ادعي ربنا يحلكن كلكن بالسلامة آمين يا رب العالمين..

و ام الويه ياخ الف مبروك و الله ماكنت عارفة مواعيدك بتين؟ و كيف رذه و الويه مع القصة دي؟ هههههه

naano
03-10-2012, 06:45 PM
كروشات الهنا والسرور
ما شاءالله
عيني بارده عليكن
ربنا يتم ليكن ويحلكن بي السلامه
ويديكن الساعه الهينه والخلقه التامه

ويجوا يحوموا ويسوطوا ويجوطوا هنا
http://www.youaredefinitelydoingitwrong.com/wp-content/uploads/2011/01/multiple-babies.jpg
قول اميييييييييييييييييييين

أم آلاء
03-11-2012, 03:40 AM
رحوبه الغاليه مواعيدي علي نهايه شهر 6 ان شاااااااااء الله

الاء القصه عاجباها شدييييد وفرحانه اما رذه فحدث ولا حرج بس

دعواتكم ربنا يهديها وتغير رايها بعد تشوف البيبي

قدامها ههههههههههه



نااااااانو يا غاليه اللهم اميييييييييييييييييييييييييييين يا رب العالمين

رحاب ونانو ان شاء الله تنضموا للتجمع قرييييييييييب:)

naano
03-11-2012, 12:41 PM
ام الحلوات ربنا يحلك بالسلامه
اللهم اميييييييييييين تسلمي علي الدعوه الحلوه دي
اتذكريها ساعة الولاده سمح;)

رحاب
03-11-2012, 01:06 PM
رحوبه الغاليه مواعيدي علي نهايه شهر 6 ان شاااااااااء الله



الاء القصه عاجباها شدييييد وفرحانه اما رذه فحدث ولا حرج بس

دعواتكم ربنا يهديها وتغير رايها بعد تشوف البيبي

قدامها ههههههههههه



نااااااانو يا غاليه اللهم اميييييييييييييييييييييييييييين يا رب العالمين

رحاب ونانو ان شاء الله تنضموا للتجمع قرييييييييييب:)




قربتي يا عسل ربنا يحلك بالسلامة و يرزقك طفل جميل و معافى يا رب ..

لكن رذه دي شكلها حتعمل ليك مشكلة هههه
بتي آيه عملت نفس الشي اول ما جيت من المستشفى جات شافت اختها وقالت : ماما انتي حترجعي البيبي المستشفى بتين؟ و كانت زعلانه شديد هههه لكن هسي بقو صحبات.
لو حسيتي بيها غيرانه حاولي تستغلي وقت البيبي نايم و العبي معاها و مرا مرا خليها تنوم جنبك.

و برضو عندي و لدي لمن كان عمره سنتين و لدت اخوه اول ايام الولادة كنت بجي الغرفة علشان اطمن عليه و هو نايم في سريره كنت بلقى لا مواخذا شبب جنبه في السرير اتخلعت خلعة قلت يا ربي الجاب الشبشب هنا شنو؟ :eek: الحاجة حصلت اكتر من مره .. يوم كنت في المطبخ و جيت الغرفة براحة كان القى ولدي العمره سنتين ماسك الشبشب في يده و بيحاول يرمي اخوه غايتو في اللحظة دي لاعرفت اضحك و لا ابكي ههههه :confused::confused: يلا بعد داك بقيت اقفل الباب على البيبي بالمفتاح و ختيت السماعة بتاعت الاطفال علشان اقدر اسمعه اذا صحى من النوم.

طبعا العلاقة بيناتم ما اتحسنت ليوم اليلة عمرهم ٦ و ٨ سنوات داحس و الغبرا بس :Hit::Hit: ههههههه

و تسلمي على دعواتك الحلوه

أم آلاء
03-11-2012, 01:47 PM
نانو ان شاء الله ما بنساكم
تومات حلواااااات كده يا رب العالمين :)


طبعا يا رحوبه ضحكتيني ضحك

وقصه اولادك دي اخواني فرقهم سنه وشهرين الي يومنا هذا

ما متفقين
ههههههههههههههههههههههه

بس احسن شووووووويه من زمان

مع العلم واحد مواليد 86 والتاني 87
ههههههههههههههههههههههههههههه

reery
03-11-2012, 02:12 PM
ناس الكروشات اذيكم


ربنا يسهل ليكم ان شاء الله

أم آلاء
03-11-2012, 02:25 PM
اللهم اميييييييييييييين يا ريري

وتجينا بيجاااااااي قرييب يا رب :)

تنبوشة
03-11-2012, 06:22 PM
السلام عليكم
شوق السنين والله
أخباركم واحوالكم
ما شا ءالله البيت محروس وستو تكوس
هع هع هع
كروشات كيفكم
وكيف اموركم تمضي
خيطت الشوال بتاعي
وطبعا طلع شكلو شين
بس مريح شديد
وقررت اني ما حا ملصو نهاااااااااائي تاني
:lgr:



مراحب نانو
وان شاء الله تومات حلوات زي كده يارب العالمين وقريييييييييييييييب يارب

مراحب رحوبا
ربنا يحفظ ليك ,,,وتزيديهم يارب العالمين
بالجد الناس الفي راس بعض بكون عندهم قصص كميات
ودايرين ملاحظه شديده


مراحب ريري
طمنينا عليك يا عسل

سمراء النيل
03-11-2012, 08:10 PM
لسه مافي وحده فيكم ووولدت



دايرين سماااايه ياااخ

أم آلاء
03-12-2012, 10:39 AM
سمموره اول واحده حتولد ان شااااااااااااء الله

دعواتك لينا كلنا وان شاء الله السمايه تكون هنا :)



تنبش مبروك الشوال الجديد يتلبس ويتقطع بعرق العافيه يا رب

كيف صحتك وامورك ان شاء الله كلو في محلو

تنبوشة
03-12-2012, 01:25 PM
ازيكم يا حلوات
ان شا ءالله بخير
طبعا بقيت اشتغل الاحد والاتنين دوام مسائي فقط
الصباحيه بكون منشخله نايمه في بيتي
هع هع هع

عشان كده مشتاقين لي موش

:lgr:




لسه مافي وحده فيكم ووولدت



دايرين سماااايه ياااخ



دعواتك بس
وقربنا يا حلوة
مسافة ما تمسحي الوش وتغذي الشعر
وتشوفي ليك لبسه فاهمه كده بتكون وحده فينا اتحلت بالسلامه
اها ودايرنها بمنو

عشان الربه تكون على مزاجك






تنبش مبروك الشوال الجديد يتلبس ويتقطع بعرق العافيه يا رب

كيف صحتك وامورك ان شاء الله كلو في محلو



الله يبارك في عمرك يا عسل
عقبالك
:p

أم آلاء
03-12-2012, 04:53 PM
مشتاقين ليك شوق شديد يا عسل

تمام طيب دوامك بقي مرييييييييح

انتو وضاحه وين ؟؟؟؟

لي زمن منها

ان شاء الله خير يا رب

تنبوشة
03-12-2012, 05:35 PM
الحمد لله مريح بقى عقبال ايام الصباح ما الناس تخف شويه

وضحضح
تكون ماخده اجازه من الشغل
عشان كده مختفيه
انا زاتي لي زمن منها

تنبوشة
03-12-2012, 06:20 PM
كروشات
لقيت معلومه ما عارفه حتفيدكم ولا لا
بس صراحه فادتني
اني قدرت احدد انا في ياتو شهر
ههههههههههههههههههههههههههههههههه


الشهر الاول - من الاسبوع الاول الى الاسبوع الخامس
الشهر التاني - من الاسبوع السادس الى الاسبوع التاسع
الشهر الثالث - من الاسبوع العاشر الى الاسبوع الثالت عشر
الشهر الرابع - من الاسبوع الرابع عشر الى الاسبوع الثامن عشر
الشهر الخامس - من الاسبوع التاسع عشر الى الاسبوع الثاني والعشرون
الشهر السادس - من الاسبوع الثالث والعشرون الى الاسبوع السابع والعشرون
الشهر السابع - من الاسبوع الثامن والعشرون الى الاسبوع الحادي والثلاثون
الشهر الثامن - من الاسبوع الثاني والثلاثون الى الاسبوع السادس والثلاثون
الشهر التاسع - من الاسبوع الثابع والثلاثون الى الاسبوع الاربعون


:hpy:

وضاحة
03-13-2012, 05:10 AM
ازيكم يالمافي زيكم

وضاحة ولدت




هع هع بحلم بس

كان عندي جراءات الاقامة واستقليت الموضوع وركلست في البيت مع انه ماخدت مني نص ساعة :lgr:

اخباركم وفرافيركم عاملين شنو

كل الحلوات المرو بجاي حياكم الله

أم آلاء
03-13-2012, 09:00 AM
تنبش دي معلومه مفيده جدا والله تسلمي كتيييير يا عسل


وضاااااااحه والله اشتقنا ليك شوق ما عادي انتي قربتي

ربنا يديك الساعه الهيييينه والحلقه التامه يا رب العالمين

التجهيزات كيف معاك

انا دبوس ما اشتريتو ولا شئ الي الان كل مره ااجل لمتين ما عارفه
هههههههههههههههههههههههه

وضاحة
03-14-2012, 05:28 AM
ودخلنا التامن :hpy:

والله بالاكتر يا ام الحلوات ..انتي كيف وفرفورك عامل شنو

تقريبا خلصت ملابسي وملابس البيبي باقي لي فيها شوية بس مالاقية حاجات حلوة و"البربتوزات" الكاملة مالاقياها خالص

كنت متنشنة بالغرفة وحاعمل فيها شنو وافرشها كيف ,,,لكن قلتا مالي ومال الناس حاعمل حاجة حلوة وبسيطة ومريحة ومالازم الناس تتفرج ..وهم ياخي

يامرا بطلي كسل واشتري شوية شوية اريح ليك ..بعدين رزة كمان تتعود وتستوعب الفكرة

وضاحة
03-14-2012, 05:30 AM
لسه مافي وحده فيكم ووولدت



دايرين سماااايه ياااخ



قربنا دعواتك بس

وان شاءالله نعمل ليكم احلى سماية بس عليك الكمونية :Cook:

وضاحة
03-14-2012, 05:36 AM
تنبوشة شوالك كيف

الاسبوع الفات كنت معزومة عزومة رااااااااااااااااقية كدا وقلت اقشر بما اني كل يوم داخلة في شوال اها عندي اسكرت جبتو زمااااااااااان وطلع واسع شديد مشيت عليه وكلي امل انه حيظبط الساعة السستة ابت تقفل قربت احرد المشوار :cry:

حاسة شكلي بقى كروكي شديد :lb:

أم آلاء
03-14-2012, 09:30 AM
حساب العااااافيه يا عسل :)

انتو مش عندكم بيبي شوب وسفير ؟؟ فيهم البربتوزات

ايوه اعملي حاجه بسيطه وانيقه في نفس الوقت ،،


ان شاء الله بعد اخش السابع كده بفكر اشتري
ههههههههههههه

كسل شديد

رزه دعواتكم انها تنسي والله خاااااااااائفه نفسي انها تقتنع غايتو مع عيال الناس ما عندها اي مشكله

قولتي لي شكلك بقي كروكي
هههههههههههههههههههههه

اها ما وريتينا في النهايه عملتي شنو ولبستي شنو

عارفه دي كلها زياده طبيعيه جدا جدا وكللوووو بينزل بعد الولاده اذا

سمعتي كلامنا وبعدتي عن المدايد والحاجات السودانيه البيدوها بعد الولاده

وابقي عشره علي عصير البرتقال فرش من غير مويه او سكر بس برتقال

منها تنوري ومنها تحافظي علي جسمك ومنها يكون عندك لبن للبيبي :)

والموووووووووووووووووويه كتري منها والشورباااااات بس ده بعد الولاده يا غاليه

تنبوشة
03-15-2012, 04:11 AM
ده شنو
انا اسرقت يا جدعان
:cry:

تنبوشة
03-15-2012, 04:19 AM
امس جيت سلمت
وكتبت تعليق طويل عريض

هس ما لقيتو
:cry:

أم آلاء
03-15-2012, 10:51 AM
:eek:

:lgr::lgr::lgr:


بتكون نعنع جات سرقتو منك
ههههههههههههههههههههههه

ام عبدالرحمن
03-15-2012, 12:50 PM
الكروشات كيفنكم لينا زمن منكم اها صحتكم كيف والبيبيات كيف
انشاالله مافي تعب

وضاحة
03-15-2012, 02:52 PM
حساب العااااافيه يا عسل :)

انتو مش عندكم بيبي شوب وسفير ؟؟ فيهم البربتوزات

ايوه اعملي حاجه بسيطه وانيقه في نفس الوقت ،،


ان شاء الله بعد اخش السابع كده بفكر اشتري
ههههههههههههه

كسل شديد

رزه دعواتكم انها تنسي والله خاااااااااائفه نفسي انها تقتنع غايتو مع عيال الناس ما عندها اي مشكله

قولتي لي شكلك بقي كروكي
هههههههههههههههههههههه

اها ما وريتينا في النهايه عملتي شنو ولبستي شنو

عارفه دي كلها زياده طبيعيه جدا جدا وكللوووو بينزل بعد الولاده اذا

سمعتي كلامنا وبعدتي عن المدايد والحاجات السودانيه البيدوها بعد الولاده

وابقي عشره علي عصير البرتقال فرش من غير مويه او سكر بس برتقال

منها تنوري ومنها تحافظي علي جسمك ومنها يكون عندك لبن للبيبي :)

والموووووووووووووووووويه كتري منها والشورباااااات بس ده بعد الولاده يا غاليه
سفير حاجاتو ماحلوة مشينا بيبي شوب امس وكملانهو ماخلينا فيه حاجة:shp:

اهم شي لقيت الصابون :hpy:


لبست توووووووووووووووووووووووووووووووووووووووووب:cry:

امي الله يديها الصحة والعافية ناوية علي نية :lol:غايتو لما ارجع بعد الولادة ان شاءالله الا تغيرو باب المنتدى

أم آلاء
03-15-2012, 05:34 PM
فعلا سفير حاجاتو حقت الاطفال ما جميله وخامتها ما حلوه بس عندهم ملابس بنات فلتات كده:)

لكن البيبي شوب رهييييييييييييييييييييييييييب

انا بشتري منو هو للبيبي بالذااااات

لانو ملابسهم قطنيه ميه ميه ورهييييييييبه

كويس خالص طيب مبروك الصابون يا عسل

قولتي لي خالتو ناويه عليك وانتي حتسمعي كلامها صاح ههههه

بعدين تجي تبقي في الريجيم ما نفع ووروني اعمل شنو هههه

كويس برضو احساس مره مره بالتوب والبطن ههههههههههههههه

رحاب
03-15-2012, 06:21 PM
امي الله يديها الصحة والعافية ناوية علي نية :lol:غايتو لما ارجع بعد الولادة ان شاءالله الا تغيرو باب المنتدى

الوالدة ناويه ههههههه ربنا يديها العافية و يحلك بالسلامة يارب اسمعي كلام ام الويه علشان وزنك يرجع سريع.

نعناعة
03-15-2012, 07:38 PM
جيبو حاجاتكم من مزر كير احسن ناس عن تجربة هههههههههه

أم آلاء
03-17-2012, 10:43 AM
الكروشات كيفنكم لينا زمن منكم اها صحتكم كيف والبيبيات كيف
انشاالله مافي تعب


والله بخير وعافيه ولله الحمد تسلمي يا غاليه علي السؤال


التعب حااااااصل والحمدلله :(

عقبالك قريييييب :)

أم آلاء
03-17-2012, 10:46 AM
نعنع هههههههههههه

الله يديكي العافيه قولي امين

مزر كير ميزانيه براها
هههههههههههههههه

ام عبدالرحمن
03-17-2012, 11:27 AM
ماااااااااااااااالك علي الفيني مكفيني
الله يحفظهم
شوفي سنتر بوينت اكيد عندكم
اسعارهم حلوه وحاجاتهم جوده
وتخفيضاتهم روووعه

أم آلاء
03-18-2012, 11:43 AM
ربنا يحفظهم ليك يا غاليه

ايوه حمشي عليهم ان شاء الله

وضاحة
03-18-2012, 12:53 PM
اذيييييييييييييييييييييييييييييييييييييييييييكم
نعناعة مزر كير رهيييييييييييييييييييييييب بس على حسابك

رحوبة وام الوية بتحرشو فيني على ماما كوييييييييييييييييييييييييييس بكلمها ليكم


حاجات البيبي خلاص شطبنا
باقي لي اجيب ملابس قشرة لانه الجبتهم كلهم حاجات ماتنفع للاستقبال ومادايرة اتلفح بالتوب
المشكلة البلد دي قاااااااااسية في الملابس زوق هنود وترتر ترتر وحبيبي ابو لمعة



امس كان عندي مقابلة والحمدلله تمام التمام
انتو كيفكم

سمراء النيل
03-18-2012, 03:25 PM
اذيييييييييييييييييييييييييييييييييييييييييييكم
نعناعة مزر كير رهيييييييييييييييييييييييب بس على حسابك

رحوبة وام الوية بتحرشو فيني على ماما كوييييييييييييييييييييييييييس بكلمها ليكم


حاجات البيبي خلاص شطبنا
باقي لي اجيب ملابس قشرة لانه الجبتهم كلهم حاجات ماتنفع للاستقبال ومادايرة اتلفح بالتوب
المشكلة البلد دي قاااااااااسية في الملابس زوق هنود وترتر ترتر وحبيبي ابو لمعة



امس كان عندي مقابلة والحمدلله تمام التمام
انتو كيفكم



تمام ياقلب

ماوريتينا ناوية تلبسي شنو وتفرشي غرفة الاستقبال لون شنووو

تنبوشة
03-18-2012, 05:20 PM
مشتاقووووووووووووووووووووووووون والله

اخباركم واحوالكم

ام الاء
كيفك مع التعب والقصص,,,وكيف البنات


وضح ضح
طبعا اليوم داك كتبت ليك رد طويل عريض
ومبسوطه منك انك خلصتي حاجاتك ,,,عقبالي ان شا ءالله
والحصل شنو في الرحول ؟؟؟
وبالله النفسيات السويتيها لينا في العرس عشان لون الغرفه
ما تتكرر تاني مفهوم
:2a:

وما فهمت هدوم القشرات دي قاصده بيها شنو
يعني لما تطلعي باسلامه ولا اثناء النفاس هع هع هع

نع نع
على قولتهم
مذر كير على حسابك يا حلوة
هع هع


بالمناسبه
قبال كم يوم مشينا انا وامول البيبي شوب
اضهبنا ومرقنا
ما عرفتا اشيل شنو
ههههههههههههههههههههههههههههه
قلتا ليها تجي بت عمي بتفهم في القصص دي



اها كل وحده عايزه تعمل غرفتها كيف
ياربي بتذكرو غرفتي النزلتها في الحله التحت
بالاسود صاح ,,,ناويه اثبت معاه الفضي
يعني ادخل الفضي في المساند واجيب باقي الاكسيسوارات بالفضي
اها الحاجه الوحيده الجهزتها فيها
الملايات,,,,,هع هع هع


وعلى قول نع نع البلد دي الا تفتشي وتفتشي حتى تلقي الشي السمح البعجبك
وبجي على زوقنا
:cry:

ام مؤتمن
03-18-2012, 05:25 PM
:cry::cry::cry:

تنبوشة
03-18-2012, 05:27 PM
:cry::cry::cry:



أجيييييييييييييييييييييييييييييي

شرفتينا يختي

ربنا يحلك بالسلامه

:lal:

ام مؤتمن
03-18-2012, 05:44 PM
أجيييييييييييييييييييييييييييييي


شرفتينا يختي

ربنا يحلك بالسلامه


:lal:


ويحلك بالسلامه ياتنمبش

بس المبكينى انى لما اجى لقصصكم دى حااكون براااااااااااااااى

هسه انتو مع بعض :cry:

تنبوشة
03-18-2012, 05:46 PM
ويحلك بالسلامه ياتنمبش

بس المبكينى انى لما اجى لقصصكم دى حااكون براااااااااااااااى

هسه انتو مع بعض :cry:

خشي الفورمه سريع يا فرده
:lol:
وان شا ءالله كل البنات العايزات يكونو معاكي يا عسل

نعناعة
03-18-2012, 05:50 PM
سمح ما تخمو اي شي من مزركير لكن جيبو منو حاجات
http://www.lakii.com/vb/smile/5_38.gif

ام مؤتمن http://www.lakii.com/vb/smile/5_38.gif

تنبوشة
03-18-2012, 05:53 PM
سمح ما تخمو اي شي من مزركير لكن جيبو منو حاجات




اصلو ما كنت عايزه اكلف عليك
لكن مدام كده
خلاص برجى منك الهديه تجيبيها لي من هناك
هع هع هع هع

:lol:

تنبوشة
03-18-2012, 05:54 PM
صحي يا ام مؤتمن
إنتي بتختفي وين
ان شاء الله المانع خير
:lb:

أم آلاء
03-19-2012, 03:34 AM
البنات كويسات الحمدلله

انا بقيت احسن كتييييييييير ولله الحمد

بكره مواعيدي في المستشفي

وااااااااااااي من قومه الصباح
هههههههههههههههههههه

ربنا يسهل بس


وضاحه ما شاء الله عليها انجزت عقبالك ان لسه بدري علي

بطمئن في روحي طبعا




اقول ليك كلام سر ما تقولي لي زول ام مؤتمن حامل :hpy:

وضاحة
03-19-2012, 05:00 AM
تمام ياقلب

ماوريتينا ناوية تلبسي شنو وتفرشي غرفة الاستقبال لون شنووو
شوالاااااااااااااااااااااااات ......:lol:قلت ليكم مالاقية حاجة حلوة:cry:
اها ناوية على الاخضر التفاحي ودرجاته ...دا طبعا اذا الحاجات العجبتني لسة قاعدة :fgt:

وضاحة
03-19-2012, 05:14 AM
مشتاقووووووووووووووووووووووووون والله

اخباركم واحوالكم

ام الاء
كيفك مع التعب والقصص,,,وكيف البنات


وضح ضح
طبعا اليوم داك كتبت ليك رد طويل عريض
ومبسوطه منك انك خلصتي حاجاتك ,,,عقبالي ان شا ءالله
والحصل شنو في الرحول ؟؟؟
وبالله النفسيات السويتيها لينا في العرس عشان لون الغرفه
ما تتكرر تاني مفهوم
:2a:

وما فهمت هدوم القشرات دي قاصده بيها شنو
يعني لما تطلعي باسلامه ولا اثناء النفاس هع هع هع

نع نع
على قولتهم
مذر كير على حسابك يا حلوة
هع هع


بالمناسبه
قبال كم يوم مشينا انا وامول البيبي شوب
اضهبنا ومرقنا
ما عرفتا اشيل شنو
ههههههههههههههههههههههههههههه
قلتا ليها تجي بت عمي بتفهم في القصص دي



اها كل وحده عايزه تعمل غرفتها كيف
ياربي بتذكرو غرفتي النزلتها في الحله التحت
بالاسود صاح ,,,ناويه اثبت معاه الفضي
يعني ادخل الفضي في المساند واجيب باقي الاكسيسوارات بالفضي
اها الحاجه الوحيده الجهزتها فيها
الملايات,,,,,هع هع هع


وعلى قول نع نع البلد دي الا تفتشي وتفتشي حتى تلقي الشي السمح البعجبك
وبجي على زوقنا
:cry:



والله بالاكتر غاطسة وين كنتي

الحمدلله موضوع البيت اتيسر وحنرحل اخر الشهر ..والحمدلله بديت استف بدري فضل لي ملابس الشغل والبيت بربطهم في ملاية واتوكل :lol:
يامرا انا جبت قمصان بيت خفيفة وظريفة بس ماسياحية لاستقبال الضيوف ...فهمتي ...ولما نطلع بالسلامة يحلها الله ماناوية ادخل في شوالاتي دي تاني

نحن مشينا البيبي شوب واشتغلنا ليك دا حلو نشيلو دا ناعم نشيلو دا كيوووووت نشيلة وطلعت كدا:shp: بس ماخم ساي عندي فكرة عن الاحتياجات الاساسية

يافالحة ماتسوقي معاك امول سوق عود صندلك :gf:

وضاحة
03-19-2012, 05:25 AM
تنبوشة وام الاء احسن ليكم تجهزو من بدري قبل ما الكسل يحصل

الست المستجدة شوفي الموضوع دا
http://forum.sedty.com/t32246.html
ودا
http://alfrasha.maktoob.com/alfrasha13/thread581619/

وضاحة
03-19-2012, 05:39 AM
تنبوشة قصدك دي

http://up.hawaaworld.com/up/sites/up.hawaaworld.com/files/up1/images/images-21980/261279.jpeg
منقوووووووووووووووووول ياخوانا منقووووووووووووووووول :lgr:

وضاحة
03-19-2012, 05:50 AM
ويحلك بالسلامه ياتنمبش

بس المبكينى انى لما اجى لقصصكم دى حااكون براااااااااااااااى

هسه انتو مع بعض :cry:
واعترفت واعترفت واعترفت
براي سويتها في نفسي وقلبي السفرني مااااااواعي :lal:


ربنا يتم ليك على خير ويحلك بالسلامة إن شاءالله

خليك قاعدة في البوست دا واتخيلينا معاك

نعناعة
03-19-2012, 09:36 AM
ام مؤتمن بحاول احصلك لووووووووووووووول عشان ما تكوني براك
كااااااااااااااااااااااااااااااك

وضاحة
03-19-2012, 09:48 AM
ام مؤتمن بحاول احصلك لووووووووووووووول عشان ما تكوني براك
كااااااااااااااااااااااااااااااك


:mzh:
:lgr::lgr::heh:
اقولو ليك شنو انتي
وااااااي منك

تنبوشة
03-19-2012, 01:38 PM
الشغل كتيييييييييير
بجيكم بعدين

بس دقيقه دايره ازغرت
ايويويويييييييييييييييييييييييييييييييييييييييي

مبروك يا ام مؤتمن
خلي بالك من روحك ومن الفي بطنك
ما دايرين اي وهمات
زي المره الفاتت
مفهوم
:hpy: